Tag: Indian Super League

ഓൾ ഇന്ത്യ ഫുട്ബോൾ ഫെഡറേഷൻ കേരള ബ്ലാസ്റ്റേഴ്സ് ക്ലബ്ബിനെതിരായ നടപടി ഔദ്യോഗികമായി പ്രഖ്യാപിച്ചു. ഐഎസ്എൽ പ്ലേ ഓഫ് മത്സരം പൂർത്തിയാക്കാതെ ഗ്രൗണ്ട് വിട്ടു പോയതിനാണ് ഓൾ ഇന്ത്യ ഫുട്ബോൾ ഫെഡറേഷൻ കേരള ബ്ലാസ്റ്റേഴ്സിനെതിരെ നടപടിയെടുത്തിരിക്കുന്നത്. നാല് കോടി രൂപയാണ് ഓൾ ഇന്ത്യ ഫുട്ബോൾ ഫെഡറേഷൻ അച്ചടക്ക സമിതി കേരള ബ്ലാസ്റ്റേഴ്സിന് പിഴച്ചു എത്തിയിരിക്കുന്നത്.

അതിനൊപ്പം കളി ഉപേക്ഷിച്ച് കായികവിരുദ്ധമായ പെരുമാറ്റത്തിന് പരസ്യമായി മാപ്പ് പറയണമെന്നും എ.ഐ.എഫ്.എഫ് നിർദ്ദേശിച്ചിട്ടുണ്ട്. മാപ്പ് പറഞ്ഞില്ലെങ്കിൽ നിലവിലെ നാല് കോടി രൂപ പിഴ എന്നതിൽ നിന്നും പിഴ ആറു കോടിയിലേക്ക് ഉയർത്തും. മത്സരത്തിൽ ബാംഗ്ലൂരു നായകൻ സുനിൽ ഛേത്രി നേടിയ വിവാദ ഗോളാണ് സംഭവവികാസങ്ങൾക്ക് തുടക്കം കുറിച്ചത്.

ത്സരം നിയന്ത്രിച്ച റഫറി ക്രിസ്റ്റൽ ജോണിന്റെ തെറ്റായ തീരുമാനത്തിൽ പ്രതിഷേധിച്ചായിരുന്നു ബ്ലാസ്റ്റേഴ്സ് മത്സരം പൂർത്തിയാക്കാതെ പുറത്തേക്കു പോയത്. ക്രിസ്റ്റൽ ജോണിന്റെ തീരുമാനത്തിനെതിരെ കേരള ബ്ലാസ്റ്റേഴ്സ് ഓൾ ഇന്ത്യ ഫുട്ബോൾ ഫെഡറേഷന് പ്രതിഷേധം അറിയിച്ചെങ്കിലും കാര്യമുണ്ടായില്ല. കേരള ബ്ലാസ്റ്റേഴ്സ് പരിശീലകൻ ഇവാൻ വുകാമാനോവിനിച്ചിനെതിരായ നടപടിയും പ്രഖ്യാപിച്ചിട്ടുണ്ട്.

കേരള ബ്ലാസ്റ്റേഴ്സിന്റെ സെർബിയൻ പരിശീലകന് ഓൾ ഇന്ത്യ ഫുട്ബോൾ ഫെഡറേഷൻ നടത്തുന്ന ടൂർണമെന്റുകളിൽ നിന്നും 10 മത്സരങ്ങളുടെ വിലക്കാണ് ഏർപ്പെടുത്തിയിരിക്കുന്നത്. അഞ്ച് ലക്ഷം രൂപ പിഴയും വിധിച്ചിട്ടുണ്ട്. പരസ്യമായി ഇവാൻ മാപ്പ് പറഞ്ഞില്ലെങ്കിൽ പിഴ 5 ലക്ഷത്തിൽ നിന്നും 10 ലക്ഷമാകും. പരിശീലകനും ക്ലബ്ബിനും ഈ വിധിക്കെതിരെ അപ്പീൽ നൽകാവുന്നതാണ്.

ഇന്ത്യൻ സൂപ്പർ ലീഗ് വമ്പൻമാരായ കേരള ബ്ലാസ്റ്റേഴ്സിനെതിരെ കടുത്ത നടപടിയുമായി ഓൾ ഇന്ത്യ ഫുട്ബോൾ ഫെഡറേഷൻ. ഐഎസ്എൽ ആദ്യ പ്ലേ ഓഫ് മത്സരത്തിൽ വിവാദ ഗോളിനെ തുടർന്ന് മത്സരം പൂർത്തിയാക്കാതെ കേരള ബ്ലാസ്റ്റേഴ്സ് ഡ്രസ്സിംഗ് റൂമിലേക്ക് മടങ്ങിയിരുന്നു. ബാംഗളൂരു നായകൻ സുനിൽ ഛേത്രിയുടെ വിവാദ ഗോളിൽ റഫറിയുടെ തെറ്റായ തീരുമാനത്തിൽ പ്രതിഷേധിച്ചായിരുന്നു മഞ്ഞപ്പട ഇത്തരം ഒരു കാര്യം ചെയ്തത്.

ഈ വിഷയത്തിലാണ് ഇപ്പോൾ കേരള ബ്ലാസ്റ്റേഴ്സിനെതിരെ അഞ്ച് മുതൽ 7 കോടി രൂപ വരെ ഓൾ ഇന്ത്യ ഫുട്ബോൾ ഫെഡറേഷൻ പിഴ ചുമത്തും എന്ന് അറിയാൻ സാധിക്കുന്നത്. കേരള ബ്ലാസ്റ്റേഴ്സിനെതിരെ നടപടിയെടുക്കുന്നത് ഓൾ ഇന്ത്യ ഫുട്ബോൾ ഫെഡറേഷന്റെ അച്ചടക്ക കമ്മിറ്റിയാണ്. ടൈംസ് ഓഫ് ഇന്ത്യ റിപ്പോർട്ട് ചെയ്യുന്നത് കേരള ബ്ലാസ്റ്റേഴ്സിന് പിഴ ചുരുങ്ങിയത് അഞ്ചോ കൂടിയാൽ 7 കോടിയോ ആയിരിക്കും എന്നാണ്.

ഈ പിഴ ചുമത്തുകയാണെങ്കിൽ ഇന്ത്യൻ ഫുട്ബോളിൽ ഒരു ക്ലബ്ബിനെതിരെ ചുമത്തുന്ന ഏറ്റവും വലിയ പിഴ ആയിരിക്കും ഇത്. ഈ ശിക്ഷ മാത്രമാണ് ബ്ലാസ്റ്റേഴ്സിനെതിരെ ഉണ്ടാവുകയുള്ളൂ. അടുത്ത സീസണിൽ പോയിൻ്റ് കുറയ്ക്കുകയോ അത്തരത്തിലുള്ള യാതൊരുവിധ നടപടികളോ ഉണ്ടാവുകയില്ല. എന്നാൽ പരിശീലകൻ ഇവാൻ വുകാമനോവിച്ചിനെതിരെ പ്രത്യേക നടപടി ഓൾ ഇന്ത്യ ഫുട്ബോൾ ഫെഡറേഷൻ സ്വീകരിക്കും.

പുറത്ത് വരുന്ന സൂചനകൾ പ്രകാരം കേരള ബ്ലാസ്റ്റേഴ്സിന്റെ സെർബിയൻ പരിശീലകനെ ഓൾ ഇന്ത്യ ഫുട്ബോൾ ഫെഡറേഷൻ അച്ചടക്ക സമിതി വിലക്കിയേക്കും എന്നാണ് അറിയാൻ സാധിക്കുന്നത്. എന്നാൽ ബ്ലാസ്റ്റേഴ്സ് പരിശീലകനെ പിന്തുണയുമായി മഞ്ഞപ്പട ആരാധകക്കൂട്ടവും രംഗത്തുണ്ട്. അതേസമയം ബ്ലാസ്റ്റേഴ്സിന്റെ പ്രതിഷേധം ഇന്ത്യൻ ഫുട്ബോളിന് ഗുണകരമായിരിക്കുകയാണ്. അടുത്ത സീസൺ മുതൽ ഐഎസ്എല്ലിൽ വാർ ലൈറ്റ് സംവിധാനം ഉപയോഗിക്കുവാൻ ഒരുങ്ങുകയാണ് എന്നാണ് അറിയാൻ സാധിക്കുന്നത്.