കേരള ബ്ലാസ്റ്റേഴ്സിന്റെ ഈ സീസണിലെ ഏറ്റവും മികച്ച താരമായി അഡ്രിയാൻ ലൂണയെ തിരഞ്ഞെടുത്തു. തുടർച്ചയായ രണ്ടാം സീസണിലാണ് അഡ്രിയൻ ലൂണ ഈ പുരസ്കാരം കരസ്ഥമാക്കുന്നത്. 1×Batsporting ഫാൻസ് പ്ലെയർ ഓഫ് ദി സീസൺ പുരസ്കാരമാണ് താരത്തിന് ലഭിക്കുക.
കഴിഞ്ഞ സീസണിലെ പോലെ തന്നെ ഈ സീസണിലെയും തകർപ്പൻ പ്രകടനം തന്നെയാണ് ലൂണക്ക് ഈ അവാർഡ് നൽകിയത്. മൈതാനത്ത് ഈ സീസണിൽ ഉടനീളം മികച്ച പ്രകടനം തന്നെയാണ് ലൂണ കാഴ്ചവച്ചത്. ഈ സീസണിൽ നാല് ഗോളുകളാണ് താരം 20 മത്സരങ്ങളിൽ നിന്നും നേടിയത്.
6 അസിസ്റ്റുകളും ഈ സീസണിൽ താരം നേടിയിട്ടുണ്ട്. നാലു ഗോളുകളും ആറ് അസിസ്റ്റുകളുടെ പത്ത് ഗോൾ കോണ്ട്രിബ്യൂഷൻ ആണ് താരം ഇത്തവണ നടത്തിയിരിക്കുന്നത്. ഇത്തവണത്തെ പ്ലേഓഫിൽ ബ്ലാസ്റ്റേഴ്സിന് എത്തിക്കുന്നതിൽ നിർണായക പങ്കാണ് ഈ ഉറുഗ്വായ് താരം വഹിച്ചിട്ടുള്ളത്.
2025 വരെയാണ് ലൂണക്ക് ബ്ലാസ്റ്റേഴ്സിൽ കരാറുള്ളത്. താരത്തെ റാഞ്ചാനായി ഈസ്റ്റ് ബംഗാൾ അടക്കമുള്ള മറ്റ് ഐഎസ്എൽ ടീമുകൾ രംഗത്തുള്ളതായി റിപ്പോർട്ടുകൾ ഉണ്ടായിരുന്നു. എന്നാൽ താരം കേരള ബ്ലാസ്റ്റേഴ്സിൽ തന്നെ തുടരും എന്നാണ് എല്ലാവരുടെയും പ്രതീക്ഷ.
