മാർച്ച് 22നാണ് 2025 ഇന്ത്യൻ പ്രീമിയർ ലീഗ് ആരംഭിക്കുന്നത്. മെഗാ ലേലത്തിന് ശേഷം വ്യത്യസ്തമായ ടീമുകളും വ്യത്യസ്തമായ തന്ത്രങ്ങളുമായാണ് ഇത്തവണത്തെ ഐപിഎൽ എത്തുന്നത്. ധോണി, രോഹിത്, കോഹ്ലി അടക്കം ഇന്ത്യൻ ടീമിലെ പല വമ്പന്മാരും ഇത്തവണത്തെ ഐപിഎല്ലിലും അണിനിരക്കുന്നുണ്ട്. എന്നാൽ ഇത്തവണത്തെ ഐപിഎല്ലിന് ശേഷം എല്ലാത്തരം ക്രിക്കറ്റിൽ നിന്നും തങ്ങളുടെ വിരമിക്കൽ പ്രഖ്യാപിക്കാൻ സാധ്യതയുള്ള അഞ്ച് താരങ്ങൾ ആരൊക്കെയാണെന്ന് നോക്കാം.
- എം എസ് ധോണി
ചെന്നൈ സൂപ്പർ കിംഗ്സിന്റെ സീനിയർ താരമായ മഹേന്ദ്ര സിംഗ് ധോണി ഐപിഎല്ലിന്റെ ഒരു വലിയ അംബാസിഡർ തന്നെയാണ്. 2008 ഐപിഎൽ മുതൽ ചെന്നൈ ടീമിന്റെ നിറസാന്നിധ്യമായ ധോണി കഴിഞ്ഞ സീസണുകളിലും മികച്ച ബാറ്റിംഗ് പ്രകടനങ്ങൾ പുറത്തെടുത്തിരുന്നു. എന്നാൽ ഈ സീസണിന് ശേഷം മഹേന്ദ്ര സിംഗ് ധോണി തന്റെ ഐപിഎൽ കരിയർ അവസാനിപ്പിക്കും എന്ന് ഏറെക്കുറെ ഉറപ്പാണ്.
- ഫാഫ് ഡുപ്ലസിസ്
ദക്ഷിണാഫ്രിക്കയുടെ മുൻ നായകനായ ഡുപ്ലസിസും ഈ ഐപിഎൽ സീസണോടെ മത്സരം അവസാനിപ്പിക്കാൻ സാധ്യതയുള്ള ഒരു താരമാണ്. നിലവിൽ 40 വർഷവും 249 ദിവസവുമാണ് ഡുപ്ലസിസിന്റെ പ്രായം. ലോകത്താകമാനമുള്ള ട്വന്റി20 ലീഗുകളിൽ തന്റെ സാന്നിധ്യം അറിയിച്ചിട്ടുള്ള താരമാണ് ഡുപ്ലസിസ്. ഐപിഎല്ലിൽ ചെന്നൈ സൂപ്പർ കിംഗ്സ്, ബാംഗ്ലൂർ റോയൽ ചലഞ്ചേഴ്സ് എന്നീ ടീമുകൾക്കായി മുൻപ് ഡുപ്ലസിസ് കളിച്ചിട്ടുണ്ട്. ഇത്തവണത്തെ ഐപിഎല്ലിൽ ഡൽഹി ക്യാപിറ്റൽസ് താരമാണ് ഡുപ്ലസിസ്.
- ഇഷാന്ത് ശർമ
ഇത്തവണത്തെ ഇന്ത്യൻ പ്രീമിയർ ലീഗിൽ ഗുജറാത്ത് ടൈറ്റൻസിന്റെ താരമാണ് ഇന്ത്യയുടെ വെറ്ററൻ പേസർ ഇഷാന്ത് ശർമ. 2008 ഐപിഎൽ ലേലത്തിലും 2025 ഐപിഎൽ ലേലത്തിലും ടീമുകൾ സ്വന്തമാക്കിയ ഒരേയൊരു താരം കൂടിയാണ് ഇഷാന്ത് ശർമ. നിലവിൽ 36 വർഷവും 198 ദിവസവുമാണ് ഇഷാന്ത് ശർമയുടെ പ്രായം. അതുകൊണ്ടുതന്നെ ഈ സീസണിന് ശേഷം ഇഷാന്ത് ക്രിക്കറ്റിനോട് വിട പറയാനുള്ള സാധ്യത നിലനിൽക്കുന്നുണ്ട്.
- മൊയിൻ അലി
ഇംഗ്ലണ്ട് താരം മൊയിൻ അലിയും ഈ സീസണോടുകൂടി വിരമിക്കാൻ സാധ്യതയുള്ള താരമാണ്. 37 വർഷവും 274 ദിവസവുമാണ് മോയിൻ അലിയുടെ പ്രായം. ഇതുവരെ ഐപിഎല്ലിൽ റോയൽ ചലഞ്ചേഴ്സ് ബാംഗ്ലൂർ, ചെന്നൈ സൂപ്പർ കിംഗ്സ് എന്നീ ടീമുകൾക്കായാണ് മോയിൻ അലി കളിച്ചിട്ടുള്ളത്. 2025 ഐപിഎൽ സീസണിൽ കൊൽക്കത്ത നൈറ്റ് റൈഡേഴ്സ് ടീമാണ് മൊയ്ൻ അലിയെ സ്വന്തമാക്കിയത്.
- കരൺ ശർമ
ഐപിഎല്ലിൽ വളരെ കാലങ്ങളായി സജീവമായുള്ള ഇന്ത്യൻ താരമാണ് കരൺ ശർമ. ഇന്ത്യയുടെ ആഭ്യന്തര ക്രിക്കറ്റിൽ ഒരു ലെഗ് ബ്രേക്ക് ബോളർ എന്ന നിലയിൽ മികവ് പുലർത്താൻ താരത്തിന് സാധിച്ചിട്ടുണ്ട്. മുൻപ് ചെന്നൈ സൂപ്പർ കിംഗ്സ്, റോയൽ ചലഞ്ചേഴ്സ് ബാംഗ്ലൂർ, ഹൈദരാബാദ് സൺറൈസേഴ്സ് എന്നീ ടീമുകൾക്കായിയാണ് കരൺ കളിച്ചിരുന്നത്. ഈ സീസണിൽ മുംബൈ ഇന്ത്യൻസ് കരൺ ശർമയെ സ്വന്തമാക്കിയിട്ടുണ്ട്. 37 വർഷവും 147 ദിവസവുമാണ് കരൺ ശർമയുടെ പ്രായം.
