രോഹിത് തുടങ്ങി വച്ചു. സൂര്യയും – കോഹ്ലിയും ഫിനിഷ് ചെയ്തു. ഇന്ത്യ വിജയലക്ഷ്യം കുറിച്ചു.

ഐസിസി ടി20 ലോകകപ്പിലെ ഇന്ത്യയുടെ രണ്ടാം മത്സരത്തില്‍ ടോസ് നേടിയ ഇന്ത്യ, നെതര്‍ലണ്ടിനെതിരെ ബാറ്റിംഗ് തിരഞ്ഞെടുക്കുകയായിരുന്നു. നിശ്ചിത 20 ഓവറില്‍ 2 വിക്കറ്റ് നഷ്ടത്തില്‍ 179 റണ്‍സാണ് ഇന്ത്യ നേടിയത്. രോഹിത് ശര്‍മ്മ, വിരാട് കോഹ്ലി, സൂര്യകുമാര്‍ യാദവ് എന്നിവരുടെ ഫിഫ്റ്റികളാണ് ഇന്ത്യയെ മികച്ച സ്കോറിലെത്തിച്ചത്.

മൂന്നാം ഓവറില്‍ തന്നെ 12 പന്തില്‍ 9 റണ്‍ നേടിയ കെല്‍ രാഹുലിനെ നഷ്ടമാകുമ്പോള്‍ ഇന്ത്യന്‍ സ്കോര്‍ ബോര്‍ഡില്‍ 11 റണ്‍സ് മാത്രമാണ് ഉണ്ടായിരുന്നത്. പിന്നീട് രോഹിത് ശര്‍മ്മയും – വിരാട് കോഹ്ലിയും നെതര്‍ലണ്ട് ബോളര്‍മാരെ ബഹുമാനിച്ചപ്പോള്‍ പവര്‍പ്ലേ സ്കോര്‍ 32 മാത്രമായിരുന്നു.

rohit vs netherland

പതിയെ രോഹിത് ശര്‍മ്മ ആക്രമണ ബാറ്റിംഗിലേക്ക് തിരിഞ്ഞെങ്കിലും ഫിഫ്റ്റിക്ക് ശേഷം പുറത്തായി. 39 പന്തില്‍ 4 ഫോറും 3 സിക്സുമായി 53 റണ്‍സാണ് രോഹിത് ശര്‍മ്മ നേടിയത്

പിന്നീടെത്തിയ സൂര്യകുമാര്‍ യാദവും – വിരാട് കോഹ്ലിയും ചേര്‍ന്നാണ് ഫിനിഷിങ്ങ് ജോലികള്‍ ചെയ്തത്. 15 ഓവര്‍ പൂര്‍ത്തിയായപ്പോള്‍ വിരാട് കോഹ്ലി 30 പന്തില്‍ 32 റണ്‍സെടുത്ത് നില്‍ക്കുകയായിരുന്നു.

FgEAUzHaUAAJjVp

വിരാട് കോഹ്ലിയും ആക്രമണ ബാറ്റിംഗിലേക്ക് തിരിഞ്ഞതോടെ സ്കോര്‍ ബോര്‍ഡിലേക്ക് റണ്‍സ് പിറന്നുകൊണ്ടിരുന്നു. ടൂര്‍ണമെന്‍റിലെ രണ്ടാം ഫിഫ്റ്റിയാണ് കോഹ്ലി നേടി.

വിരാട് കോഹ്ലി 43 പന്തില്‍ 3 ഫോറും 2 സിക്സുമായി 62 റണ്‍സ് നേടി. അവസാന പന്തില്‍ സിക്സടിച്ച് സൂര്യകുമാര്‍ യാദവും ഫിഫ്റ്റി തികച്ചു. ഇരുവരും ചേര്‍ന്ന് 48 പന്തില്‍ 95 റണ്‍സ് കൂട്ടിചേര്‍ത്തു.