ഇന്നലെയായിരുന്നു ഐ.എസ്.എല്ലിൽ കേരള ബ്ലാസ്റ്റേഴ്സ്-എഫ്.സി ഗോവ മത്സരം. മത്സരത്തിൽ ഒന്നിനെതിരെ മൂന്ന് ഗോളുകൾക്ക് ഗോവയോട് പരാജയപ്പെട്ട് തുടർച്ചയായ രണ്ട് മത്സരത്തിലും കേരള ബ്ലാസ്റ്റേഴ്സ് തോറ്റു. മുംബൈ എഫ്സിയോട് 4-0ത്തിൻ്റെ പരാജയത്തിനു ശേഷം ഗോവക്കെതിരെ ഇറങ്ങിയ ബ്ലാസ്റ്റേഴ്സിന് ഒരു ഘട്ടത്തിൽ പോലും ഭീഷണി ഉയർത്താൻ സാധിച്ചില്ല.
ഇപ്പോഴിതാ ഗോവയോട് മുംബയോടും തോൽക്കുവാൻ എന്താണ് കാരണമെന്ന് വിശദീകരിച്ചിരിക്കുകയാണ് ബ്ലാസ്റ്റേഴ്സ് പരിശീലകൻ ഇവാൻ വുകാമനോവിച്ച്. ഇന്നലെ മത്സരശേഷം മാധ്യമങ്ങളോട് സംസാരിക്കുന്നതിനിടയിലാണ് തോൽവിയുടെ കാരണം അദ്ദേഹം വിശദീകരിച്ചത്. കഴിഞ്ഞ രണ്ടു മത്സരങ്ങളിൽ വ്യക്തിഗതമായ പിഴവുകൾ ഒരുപാട് ഉണ്ടായിട്ടുണ്ട് എന്നാണ് ബ്ലാസ്റ്റേഴ്സ് പരിശീലകൻ പറഞ്ഞത്.”അതുപോലെയുള്ള കാര്യങ്ങൾ കൈകാര്യം ചെയ്യേണ്ടതുണ്ട്.
ഞാൻ കരുതുന്നത് കഴിഞ്ഞ രണ്ട് മത്സരങ്ങളിലും ഒരുപാട് വ്യക്തിഗതമായ പിഴവുകൾ ഞങ്ങൾ വരുത്തിയിട്ടുണ്ട് എന്നാണ്. ഞാൻ കരുതുന്നത് അത് അസ്വീകാര്യമാണ് എന്നാണ്. പ്രത്യേകിച്ചും ലീഗിലെ മികച്ച ടീമുകൾക്കെതിരെ കളിക്കുമ്പോൾ. ഒരിക്കലും അംഗീകരിക്കാൻ കഴിയാത്തതാണ് ഇത്തരത്തിലുള്ള വ്യക്തിഗതമായ പിഴവുകൾ. കാരണം ഈ തെറ്റുകൾ എപ്പോഴും ഗോളുകൾ വഴങ്ങുന്നതിലേക്ക് നയിക്കുന്നു. ഏകാന്തത പുലർത്തുകയും അച്ചടക്കത്തോടെയും പ്രതിബദ്ധതയോടെയും ശ്രദ്ധ കേന്ദ്രീകരിക്കുകയും ചെയ്ത് മത്സരത്തിൽ കളിക്കേണ്ടതുണ്ട്.
ഞങ്ങൾക്ക് പോയിന്‍റുകൾ നഷ്ടപ്പെടുത്തിയതായി ഞാൻ കരുതുന്നത് ഇത്തരത്തിലുള്ള തെറ്റുകൾ ആദ്യ പകുതിയിൽ വരുത്തിയതാണ്. മത്സരം ആരംഭിക്കുവാൻ ഞങ്ങൾ ആഗ്രഹിക്കുന്ന രീതിയിൽ ഞങ്ങൾക്ക് അറിയാമായിരുന്നു. എന്നാൽ തീർച്ചയായും ഇപ്പോൾ രണ്ടു മത്സരങ്ങൾ തുടർച്ചയായി തോൽക്കുക എന്നത് സന്തോഷകരമല്ല. പക്ഷേ ഞങ്ങൾ വീണ്ടും ആ സാഹചര്യത്തെ നേരിടേണ്ടതുണ്ട്.”-ബ്ലാസ്റ്റേഴ്സ് പരിശീലകൻ പറഞ്ഞു.
