വ്യാഴാഴ്ച ദുബായ് ഇന്റർനാഷണൽ സ്റ്റേഡിയത്തിൽ അഫ്ഗാനിസ്ഥാനെതിരായ ഏഷ്യാ കപ്പ് സൂപ്പർ 4 മത്സരത്തില്‍ വിരാട് കോഹ്ലി തന്റെ 71-ാം അന്താരാഷ്ട്ര സെഞ്ച്വറി പുറത്തെടുത്തു. ഒരു സെഞ്ച്വറി പോലും ഇല്ലാതെ 1000 ദിവസങ്ങൾ പിന്നിട്ട കോഹ്ലി 2019 നവംമ്പറില്‍ ആയിരുന്നു അവസാനമായി സെഞ്ചുറി നേടിയിരുന്നത്.
ഈ മത്സരത്തിലെ തന്റെ കന്നി ടി20 ഐ സെഞ്ചുറിയിലൂടെ ഇന്ത്യയെ 20 ഓവറിൽ 212/2 എന്ന ശക്തമായ സ്‌കോറിലേക്ക് നയിച്ചു. അഫ്ഗാന്‍ ബോളര്‍മാരെ ഗ്രൗണ്ടിന്‍റെ എല്ലാ ഭാഗത്തേക്കും പറത്തിയ താരം, തന്റെ ആധിപത്യം പുറത്തെടുത്തു.
ഫരീദ് അഹമ്മദിനെ ഫോറിനും സിക്സിനും പറത്തിയാണ് വിരാട് തന്റെ സെഞ്ചുറി പൂര്‍ത്തിയാക്കിയത്. സെഞ്ചുറിക്ക് ശേഷമുള്ള വിരാട് കോഹ്ലിയുടെ സെലിബ്രേഷനും ശ്രദ്ധ നേടി.
തന്റെ ബാറ്റ് ഉയർത്തി ഹെൽമെറ്റ് അഴിച്ചുകൊണ്ട് കാണികളെ അഭിവാദ്യം ചെയ്തതിനു ശേഷം, കോഹ്ലി തന്റെ ബാറ്റിംഗ് പങ്കാളിയായ ഋഷഭ് പന്തിനെ കെട്ടിപ്പിടിക്കുന്നതിന് മുമ്പ് പുഞ്ചിരിച്ചു ചിരിച്ചു. തന്റെ ജേഴ്സിയില്‍ നിന്നും കഴുത്തിൽ ധരിച്ചിരുന്ന വിവാഹ മോതിരം പുറത്തെടുത്ത് ചുംബിച്ചു.
മത്സരത്തില്‍ നേടിയ സെഞ്ചുറി തന്റെ ഭാര്യ അനുഷ്കക്കും മകള്‍ വാമികക്കും സമര്‍പ്പിച്ചു. ഈ സമയങ്ങളില്‍ തന്നോടൊപ്പം ഉണ്ടായിരുന്ന ഭാര്യക്ക് നന്ദി പറഞ്ഞാണ് വിരാട് കോഹ്ലി പറഞ്ഞു നിര്‍ത്തിയത്.
