വനിത ഏഷ്യ കപ്പ് ടൂര്‍ണമെന്‍റില്‍ ഇന്ത്യ കിരിടം ചൂടി. ഫൈനലില്‍ ശ്രീലങ്കയെ 8 വിക്കറ്റിന് പരാജയപ്പെടുത്തിയാണ് ഇന്ത്യയുടെ വിജയം. നേരത്തെ ആദ്യം ബാറ്റ് ചെയ്‌ത ശ്രീലങ്കയെ 65 റണ്‍സില്‍ ചുരുട്ടിക്കൂട്ടിയ ഇന്ത്യ, വിജയലക്ഷ്യം 9 ഓവറില്‍ പൂര്‍ത്തികരിച്ചു. ഇത് ഏഴാം തവണെയാണ് ഇന്ത്യ, ഏഷ്യ കപ്പ് കിരീടം ചൂടുന്നത്.
വിജയത്തിനു ശേഷം വനിത ക്രിക്കറ്റ് താരങ്ങളുടെ വിജയാഘോഷം ബിസിസിഐ പങ്കുവച്ചു. ട്രോഫിക്ക് മുന്‍പില്‍ അണി നിരന്ന വനിതാ താരങ്ങള്‍ പിന്നീട് ഒരുമിച്ച് ഒച്ചവച്ച് ഡാന്‍സ് ചെയ്യുന്നതാണ് വീഡിയോയില്‍.
മത്സരത്തില്‍ രേണുക സിങ്ങിന്‍റെ 3 വിക്കറ്റും ഗെയ്ക്വാദും സ്നേഹ റാണയുടെ 2 വിക്കറ്റും മന്ദാനയുടെ അര്‍ദ്ധസെഞ്ചുറിയുമാണ് ഇന്ത്യയെ വിജയത്തില്‍ എത്തിച്ചത്.
