സമീപകാലമായി ബംഗ്ലാദേശ് സൂപ്പർതാരം തമീം ഇഖ്ബാൽ പറഞ്ഞിരുന്ന കാര്യം ആയിരുന്നു തന്നോട് വിവരങ്ങളൊന്നും ബോർഡ് പറയുന്നില്ല എന്നും,ടീമിൽ സ്ഥാനം നൽകുന്നില്ല എന്നും. ഇത്രയും നാൾ ബംഗ്ലാദേശ് ടീമിന് വേണ്ടി കളിച്ച തൻ്റെ കാര്യങ്ങൾ കേൾക്കാൻ ആരും ആരും തയ്യാറാകുന്നില്ല എന്നും താരം പറഞ്ഞു. എന്നാൽ അതിനെല്ലാം മറുപടിയുമായി രംഗത്തെത്തിയിരിക്കുകയാണ് ബംഗ്ലാദേശ് ക്രിക്കറ്റ് ബോർഡ് പ്രസിഡൻ്റ് നസ്മുൽ ഹസൻ.
ടീമിൽ അവസരം നൽകുന്നില്ല എന്നു പറഞ്ഞ് തമീം പറഞ്ഞ വാക്കുകൾ ഇങ്ങനെയാണ്.-“എന്റെ ടി20യെക്കുറിച്ചുള്ള എന്റെ പ്ലാൻ വിശദീകരിക്കാൻ ആരും എനിക്ക് അവസരം നൽകുന്നില്ല. ഒന്നുകിൽ നിങ്ങൾ മാധ്യമങ്ങൾ അത് പറയുക അല്ലെങ്കിൽ മറ്റാരെങ്കിലും എന്റെ ടി20യുടെ ഭാവിയെക്കുറിച്ച് പറയുക, എനിക്ക് ഒന്നും പറയാൻ ബോർഡ് അവസരം നൽകാത്തതിനാൽ ഇത് ഇങ്ങനെ നീങ്ങട്ടെ.
ഇത്രയും നാളും ടീമിൽ കളിച്ച താരം എന്ന നിലയിൽ, അവർ എന്നെ കേൾക്കാൻ എങ്കിലും തയാറാകണം. എന്നാൽ ഒന്നുകിൽ മാധ്യമങ്ങൾ എന്തെങ്കിലും തരത്തിലുള്ള ആശയങ്ങൾ നൽകുക അല്ലെങ്കിൽ ബോർഡ് എന്തെങ്കിലും പറയുക. ഒന്നും എന്നോട് പറയാതിരുന്നാൽ എനിക്ക് എന്ത് ചെയ്യാൻ സാധിക്കും.
ഇതിന് മറുപടിയുമായി ബംഗ്ലാദേശ് ക്രിക്കറ്റ് ബോർഡ് പ്രസിഡൻ്റ് നസ്മുൽ ഹസൻ്റെ വാക്കുകൾ ഇങ്ങനെയായിരുന്നു. -“അദ്ദേഹത്തിന്റെ ടി20 ഭാവിയെക്കുറിച്ച് ഞങ്ങൾ അദ്ദേഹവുമായി സംസാരിച്ചിട്ടില്ലെന്നത് തികഞ്ഞ നുണയാണ്. ഞാൻ അവനെ എന്റെ വീട്ടിലേക്ക് വിളിച്ച് (ടി20 ഐ കളിക്കാൻ) കുറഞ്ഞത് നാല് തവണയെങ്കിലും അഭ്യർത്ഥിച്ചിട്ടുണ്ട്. ബോർഡിലെ മറ്റ് അംഗങ്ങളും അദ്ദേഹവുമായി സംസാരിച്ചു, അവൻ കളിക്കില്ല എന്നാണ് അന്ന് പറഞ്ഞത്, ഇപ്പോൾ എന്താണ് പറയുന്നതെന്ന് നോക്കൂ.”
