സെയ്ദ് മുഷ്താഖ് അലി ട്രോഫിയില്‍ കേരളത്തിനു വിജയതുടക്കം. മഴ കളി തടസ്സപ്പെടുത്തിയ മത്സരത്തില്‍ അരുണാചല്‍ ഉയര്‍ത്തിയ 54 റണ്‍സ് വിജയലക്ഷ്യം 4.5 ഓവറില്‍ കേരളം നേടിയെടുത്തു. സ്കോന്‍ – അരുണാചല്‍ പ്രദേശ് – 53/6 (11) കേരളം – 55/0 (4.5)
ഓപ്പണിംഗില്‍ വിഷ്ണു വിനോദും (16 പന്തില്‍ 23) രോഹന്‍ എസ് കുന്നുമല്‍ (13 പന്തില്‍ 32) എന്നിവര്‍ പുറത്താകതെ കേരളത്തിനെ വിജയത്തില്‍ എത്തിച്ചു. നാളെ കര്‍ണാടകയുമാണ് കേരളത്തിന്‍റെ അടുത്ത മത്സരം.
| Batter | Runs | Balls | S/R | 4s | 6s |
|---|---|---|---|---|---|
| Vishnu Vinod (wk) not out | 23 | 16 | 143.75 | 2 | 1 |
| Rohan S Kunnummal not out | 32 | 13 | 246.15 | 5 | 1 |
ടോസ് നേടി കേരള ക്യാപ്റ്റന്‍ സച്ചിന്‍ ബേബി ബൗളിംഗ് തിരഞ്ഞെടുത്തു. സഞ്ചു സാംസണ്‍ രാജ്യാന്തര മത്സരങ്ങളില്‍ ആയതിനാലാണ് സച്ചിന്‍ ബേബി ക്യാപ്റ്റന്‍ സ്ഥാനത്തേക്ക് എത്തിയത്.
ഓപ്പണിംഗില്‍ അരുണാചല്‍ പ്രദേശ് 34 റണ്‍സ് കൂട്ടിചേര്‍ത്തെങ്കിലും തുടര്‍ച്ചയായ 4 ഓവറില്‍ അരുണാചല്‍ പ്രദേശിന്‍റെ 5 വിക്കറ്റ് വീണു. ഇതോടെ 34 – 0 എന്ന നിലയില്‍ നിന്നും 45 ന് 5 എന്ന നിലയിലായി. അവസാന വിക്കറ്റ് അവസാന ഓവറില്‍ വീണു. നിശ്ചിത 11 ഓവറില്‍ 6 വിക്കറ്റ് നഷ്ടത്തില്‍ 53 റണ്‍സാണ് അരുണാചല്‍ നേടിയത്.
| Bowler | Over | Runs C | Wickets | Dots | Eco. |
|---|---|---|---|---|---|
| Basil Thampi | 3 | 18 | 0 | 8 | 6 |
| Manu Krishnan | 2 | 4 | 0 | 8 | 2 |
| Basil N P | 2 | 6 | 1 | 7 | 3 |
| Sijomon Joseph | 2 | 11 | 2 | 4 | 5.5 |
| Midhun S | 2 | 10 | 2 | 5 | 5 |
കേരളത്തിനായി സിജോമോന്‍ ജോസഫും മിഥുനും 2 വിക്കറ്റ് വീതം വീഴ്ത്തി. ബേസില്‍ 1 വിക്കറ്റ് വീഴ്ത്തി.
