ഏഷ്യ കപ്പിലെ ഇന്ത്യയുടെ അവസാന മത്സരത്തില്‍ ഓപ്പണിംഗില്‍ ഇറങ്ങി തകര്‍പ്പന്‍ സെഞ്ചുറിയാണ് വിരാട് കോഹ്ലി നേടിയത്. ഏറെ കാത്തിരുന്ന സെഞ്ചുറി വിരാട് കോഹ്ലി നേടിയതോടെ രോഹിത് ശര്‍മ്മക്കൊപ്പം ആര് ഓപ്പണിംഗില്‍ വരണം എന്ന ചോദ്യവും ഉയര്‍ന്നു. ഇപ്പോഴിതാ ഇന്ത്യയുടെ ഓപ്പണിംഗിനെ പറ്റി പറയുകയാണ് ക്യാപ്റ്റന്‍ രോഹിത് ശര്‍മ്മ
“മൂന്നാം ഓപ്പണർ” കോഹ്‌ലിയാണെന്ന് ടീമിന് വ്യക്തതയുണ്ടെന്ന് രോഹിത് ശര്‍മ്മ പത്രസമ്മേളനത്തില്‍ പറഞ്ഞു, കൂടാതെ ഓപ്പണിംഗ് സ്ലോട്ടിൽ കെഎൽ രാഹുലിന് പിന്തുണ നല്‍കുകയും ചെയ്തു
“ഞങ്ങൾ ഒരു മൂന്നാം ഓപ്പണറെ എടുത്തിട്ടില്ലാത്തതിനാൽ, അദ്ദേഹത്തിന് (കോഹ്ലി) ഓപ്പൺ ചെയ്യാൻ കഴിയുമെന്ന് ഞങ്ങളുടെ മനസ്സിലുണ്ട്. അവൻ തന്റെ ഫ്രാഞ്ചൈസിക്കായി ഓപ്പണിംഗില്‍ കളിച്ചിരുന്നു. “ഞങ്ങളുടെ മൂന്നാം ഓപ്പണറായതിനാൽ ചില മത്സരങ്ങളിൽ വിരാടിനൊപ്പം ഓപ്പൺ ചെയ്യേണ്ടിവരുമെന്ന് ഞാൻ രാഹുല്‍ [ദ്രാവിഡ്] ഭായിയുമായി ചാറ്റ് ചെയ്തിരുന്നു. കഴിഞ്ഞ മത്സരത്തിൽ ഞങ്ങൾ അത് കണ്ടു. ആ സ്ഥാനത്തിനായി ഞങ്ങൾ ഒരുപാട് പരീക്ഷിക്കുമെന്ന് കരുതുന്നില്ല. ” ഓസ്ട്രേലിയന്‍ പരമ്പരക്ക് മുന്നോടിയായി രോഹിത് ശര്‍മ്മ പറഞ്ഞു.
“കെഎൽ രാഹുൽ, എന്റെ അഭിപ്രായത്തിൽ, ലോകകപ്പ് കളിക്കും, ഓപ്പൺ ചെയ്യും. ഇന്ത്യയ്ക്കുവേണ്ടിയുള്ള അദ്ദേഹത്തിന്റെ പ്രകടനങ്ങൾ ശ്രദ്ധിക്കപ്പെടാതെ പോകുന്നു. ഇന്ത്യയെ സംബന്ധിച്ചിടത്തോളം അദ്ദേഹം വളരെ പ്രധാനപ്പെട്ട കളിക്കാരനാണ്. കഴിഞ്ഞ രണ്ട്-മൂന്ന് വർഷത്തെ അദ്ദേഹത്തിന്റെ റെക്കോർഡ് നോക്കുകയാണെങ്കിൽ, വളരെ നന്നായിട്ടുണ്ട്. ”
“മറ്റൊരാൾ പെർഫോം ചെയ്തു എന്ന കാരണത്താൽ ഒരു പെർഫോമൻസ് പരിഗണിക്കാതിരിക്കുന്നത് ശരിയാണെന്ന് എനിക്ക് തോന്നുന്നില്ല. അവൻ വളരെ വളരെ പ്രധാനപ്പെട്ടതും നിലവാരമുള്ളതുമായ ഒരു കളിക്കാരനാണ്, കൂടാതെ ഒരു മാച്ച് വിന്നറും കൂടിയാണ്. ടോപ്പ് ഓഡറില്‍ അദ്ദേഹത്തിന്റെ സാന്നിധ്യം ഞങ്ങൾക്ക് വളരെ വളരെ നിർണായകമാണ്. ”
