ഇന്ത്യൻ പ്രീമിയർ ലീഗ് പതിനഞ്ചാം സീസണിൽ മത്സരങ്ങൾ എല്ലാം തന്നെ വാശിയേറിയതായി പോകുമ്പോൾ ആരാകും കിരീടം നേടുകയെന്ന ചോദ്യം പ്രവചനാതീതമായി മാറുകയുമാണ്. ടീമുകൾ എല്ലാം ശക്തമായ പോരാട്ടവുമായി മുന്നേറുമ്പോൾ ഓരോ മത്സരവും 10 ടീമുകൾക്കും നിർണായകമായി മാറുകയാണ്.
ഇന്നത്തെ സുപ്രധാന മത്സരത്തിൽ ഡൽഹി ക്യാപിറ്റൽസ് : ഗുജറാത്ത് ടീമുകൾ നേരിട്ട് ഏറ്റുമുട്ടുമ്പോൾ ക്യാപ്റ്റൻമാർ തമ്മിലുള്ള ഒരു മത്സരം കൂടിയാണ് ഇത്‌. ഡൽഹിയെ റിഷാബ് പന്ത് നയിക്കുമ്പോൾ ഗുജറാത്തിനെ നയിക്കുന്നത് ഹാർദിക്ക് പാണ്ട്യയാണ്. ടോസ് ഭാഗ്യം മത്സരത്തിൽ നിന്നത് ഡൽഹിക്ക് ഒപ്പമാണ് എങ്കിലും വളരെ രസകരമായ ഒരു സംഭവത്തിനും കൂടിയാണ് ടോസ് സമയം സാക്ഷിയായത്.
ടോസ് ജയിച്ച റിഷാബ് പന്ത് ബൗളിംഗ് തന്നെ തിരഞ്ഞെടുത്തെങ്കിലും കമന്റേറ്റർ കൂടിയായ ഡാനി മോറിസണിന്റെ ചോദ്യത്തിന് ആദ്യം ടോസ് ജയിച്ച ഡൽഹി ബാറ്റിങ് സെലക്ട് ചെയ്യുന്നുവെന്നാണ് ക്യാപ്റ്റൻ റിഷാബ് പന്ത് പറഞ്ഞത്. ബാറ്റിങ് എന്ന് ആദ്യം പറഞ്ഞ റിഷാബ് പന്ത് പിന്നീട് ബൗളിംഗ് സെലക്ട് ചെയ്യുന്നുവെന്ന് പിന്നീട് മാറ്റിപറഞ്ഞത് ഒരുവേള ആശങ്കയും ചിരിയും പടർത്തി. എങ്കിലും ടോസ് ജയിച്ച ഞങ്ങൾ ആദ്യം ഫീൽഡ് ചെയ്യാനാണ് ആഗ്രഹിക്കുന്നതെന്ന് റിഷാബ് പന്ത് ഉടനെ വിശദമാക്കി സംശയം ഇല്ലാതാക്കി.
അതേസമയം മത്സരത്തിൽ ഒരു സർപ്രൈസ് മാറ്റാവുമായിട്ടാണ് ഡൽഹി ക്യാപിറ്റൽസ് എത്തിയത്. പേസർ നാഗർകോട്ടിക്ക് പകരം മുസ്തഫിസുർ റഹ്മാൻ ഡൽഹി നിരയിലേക് എത്തി.
