വെസ്റ്റ് ഇൻഡീസിനെതിരായ ആദ്യ ടി 20 ഐയിൽ വിക്കറ്റ് കീപ്പർ ബാറ്റർ ഋഷഭ് പന്ത് വീണ്ടും ഇന്ത്യക്കായി ഓപ്പൺ ചെയ്യുമെന്ന് കരുതിയെങ്കിലും, നായകൻ രോഹിത് ശർമ്മയ്‌ക്കൊപ്പം സൂര്യകുമാർ യാദവാണ് ഓപ്പണിംഗില്‍ എത്തിയത്. റിഷഭ് പന്ത് വീണ്ടും മധ്യനിരയിൽ ഇടംപിടിച്ചപ്പോൾ, വിരാട് കോഹ്‌ലിയുടെ അഭാവത്തിൽ ശ്രേയസ്സ് അയ്യരാണ് മൂന്നാം സ്ഥാനത്ത് ഇറങ്ങിയത്.
ഇന്ത്യ ഇപ്പോഴും കുറച്ച് സ്ഥാനങ്ങളിലെ പഴുതുകള്‍ നികത്താൻ ആഗ്രഹിക്കുന്നുവെന്ന് ക്യാപ്റ്റൻ രോഹിത് പരമ്പരയ്ക്ക് മുമ്പ് സൂചിപ്പിച്ചിരുന്നു, ആ സ്ഥാനങ്ങൾ നികത്താനാണ് മാറ്റങ്ങൾ വരുത്തിയതെന്ന് മുൻ ഇന്ത്യൻ ബാറ്റർ പാർഥിവ് പട്ടേൽ നിരീക്ഷിച്ചു, ഒരുപക്ഷേ വിരാട് കോഹ്ലിയെ ടീമില്‍ ഉള്‍ക്കൊള്ളാന്‍ വേണ്ടിയാണ് ഈ മാറ്റങ്ങള്‍ എന്നാണ് മുന്‍ താരം കരുതുന്നത്.
50 ഓവർ ഫോർമാറ്റ്, ഫോമിലേക്ക് മടങ്ങിവരാൻ സമയവും ഇടവും നൽകുമെന്നതിനാൽ വിരാട് കോഹ്ലി ഏകദിന പരമ്പരയിൽ കളിക്കണമെന്ന് ഞാൻ ആഗ്രഹിച്ചിരുന്നു. ക്രിക്ബസിൽ സംസാരിച്ച പാർഥിവ് പറഞ്ഞു. അവിടെ ശിഖർ ധവാനോ ശുഭ്മാൻ ഗില്ലോ ചെയ്തതുപോലെ റണ്‍സ് നേടാനാകുമായിരുന്നു എന്ന് അദ്ദേഹം ചൂണ്ടികാട്ടി.
അഞ്ച് ടി20 കളിലും സൂര്യ ഓപ്പൺ ചെയ്യുമെന്നും അത്തരം നിരവധി ഔട്ട്-ഓഫ് ദി ബോക്‌സ് തീരുമാനങ്ങൾ ഇന്ത്യ എടുക്കുമെന്നും പാർഥിവ് പറഞ്ഞു. “നികത്താൻ പഴുതുകള്‍ ഉണ്ടെന്ന് ഞങ്ങൾക്കറിയാം, അതിനാലാണ് ഞങ്ങൾ വ്യത്യസ്തമായ കാര്യങ്ങൾ പരീക്ഷിക്കാൻ പോകുന്നത്” എന്ന് മത്സരത്തിന് മുമ്പുള്ള കോൺഫറൻസിൽ രോഹിത് ശർമ്മ പറഞ്ഞു. ഋഷഭ് പന്തിനൊപ്പം അവർ അത് ചെയ്തു, അദ്ദേഹത്തിന് ഇംഗ്ലണ്ടിൽ ഒരു മുഴുവൻ പരമ്പരയും നൽകി. ഇപ്പോൾ, മുഴുവൻ സീരീസിലും സൂര്യകുമാർ ഓപ്പണിംഗ് ചെയ്യുന്നത് നമുക്ക് കണ്ടേക്കാം. രവീന്ദ്ര ജഡേജ പവർപ്ലേയിൽ പന്തെറിയുന്നത് നമ്മൾ കണ്ടേക്കാം, അദ്ദേഹത്തിന് എന്ത് ചെയ്യാന്‍ കഴിയുമെന്ന് നോക്കാം,” അദ്ദേഹം കൂട്ടിച്ചേർത്തു.
