ഇന്ത്യൻ ഓൾറൗണ്ടർ രവീന്ദ്ര ജഡേജയെ പ്രശംസിച്ച് മുൻ ഇന്ത്യൻ ക്യാപ്റ്റൻ കപിൽ ദേവ്. വാലറ്റത്ത് ഇറങ്ങി മികച്ച സ്കോർ കണ്ടെത്തുകയും മികച്ച ബൗളിംഗിലൂടെ വിക്കറ്റ് നേടുകയും ചെയ്യുന്നതിനാണ് താരത്തെ പ്രശംസിച്ചത്. രവീന്ദ്ര ജഡേജയാണ് നിലവിലെ ലോകത്തിലെ ഒന്നാം നമ്പർ ഓൾ റൗണ്ടർ. ടെൻഷൻ ഒന്നും ഇല്ലാതെ കളിക്കുന്ന രവീന്ദ്ര ജഡേജയുടെ മാനസികാവസ്ഥയെയും കപിൽ ദേവ് പ്രശംസിച്ചു. ശ്രീലങ്കയ്ക്കെതിരായ ആദ്യ ടെസ്റ്റിൽ താരം റെക്കോർഡ് കുറിക്കുകയും ചെയ്തിരുന്നു.
“പുതിയ ക്രിക്കറ്റ് താരങ്ങൾക്കിടയിൽ രവീന്ദ്ര ജഡേജയുടെ കളി എനിക്ക് ഇഷ്ടമാണ്, കാരണം അദ്ദേഹം സമ്മർദ്ദമില്ലാതെ കളിക്കുന്നു.”. ആദ്യ ടെസ്റ്റിൽ 175 റൺസ് നേടുകയും രണ്ട് ഇന്നിംഗ്സിലും ആയി ഒൻപത് വിക്കറ്റുകളും താരം സ്വന്തമാക്കിയിരുന്നു. ടെൻഷൻ ഒന്നും ഇല്ലാത്തതു കൊണ്ടാണ് ജഡേജയ്ക്ക് ബാറ്റിംഗിലും ബൗളിംഗിലും ഒരുപോലെ തിളങ്ങാൻ ആകുന്നത് എന്നാണ് കപിൽദേവ് പറയുന്നത്.
ഫീൽഡിങ്ങിലും താരം നമ്പർ വൺ ആണ്.
ടെൻഷൻ വച്ച് കളിക്കുകയാണെങ്കിൽ നല്ല രീതിയിൽ കളിക്കാൻ സാധിക്കില്ല എന്നും ജഡേജക്ക് ടെൻഷൻ ഇല്ലാത്തതുകൊണ്ടാണ് മികച്ച ഫോം കണ്ടെത്താൻ സാധിക്കുന്നതെന്നും മുൻ ഇന്ത്യൻ ക്യാപ്റ്റൻ കൂട്ടിച്ചേർത്തു.
