ഇന്ത്യന്‍ സൂപ്പര്‍ ലീഗിലെ മുഹമ്മദന്‍സ് – കേരള ബ്ലാസ്റ്റേഴ്സ് മത്സരത്തിനിടെ ബ്ലാസ്റ്റേഴ്സ് ആരാധകര്‍ക്കു നേരെ അതിക്രമം. മത്സരത്തില്‍ ഒന്നിനെതിരെ രണ്ടു ഗോളുകള്‍ക്ക് കേരള ബ്ലാസ്റ്റേഴ്സ് വിജയിച്ചു. മത്സരത്തില്‍ 75-ാം മിനിറ്റില്‍ ജീസസ് ജിമെനെസ് ഗോള്‍ നേടി ബ്ലാസ്റ്റേഴ്സ് ലീഡെടുത്തതോടെയാണ് ഈ സംഭവങ്ങള്‍ അരങ്ങേറിയത്.
നേരത്തെ 67-ാം മിനിറ്റില്‍ ക്വാമി പെപ്ര സമനില ഗോള്‍ നേടിയതോടെ ബ്ലാസ്റ്റേഴ്സ് ആരാധകര്‍ ആവേശത്തിലായി. തൊട്ടു പിന്നാലെ ജിമനസും സ്കോര്‍ ചെയ്തതോടെ ആവേശം ഇരട്ടിയായി. ഇതോടെ തൊട്ടടുത്ത സ്റ്റാന്‍ഡിലിരുന്ന മുഹമ്മദന്‍സ് ആരാധകര്‍ കുപ്പികളും ചെരിപ്പുമെല്ലാം ബ്ലാസ്റ്റേഴ്സ് ആരാധകര്‍ക്കു നേര്‍ക്ക് വലിച്ചെറിയുകയായിരുന്നു.
Poor display from Mohammedan SC Fans after penalty was not given against Kerala Blasters
— The Khel India (@TheKhelIndia) October 20, 2024
Fans throwing Bottles, Slippers & stones at the Pitch & visiting fans stands too
What's going on here, Take Care Away fans !! pic.twitter.com/v46uLyhWJp
കളിക്കാര്‍ക്കും ഈ അതിക്രമം നേരിടേണ്ടി വന്നു. കളിക്കാര്‍ക്ക് നേരെ ആരാധകര്‍ കുപ്പികളും ചെരിപ്പുമെല്ലാം വലിച്ചെറിഞ്ഞു. ഇതോടെ മത്സരം കുറച്ച് നേരത്തേക്ക് നിര്‍ത്തിവെച്ചു. മുഹമ്മദന്‍സ് താരങ്ങള്‍ ആരാധകരോട് ശാന്തരാവാന്‍ ആവശ്യപ്പെടുന്നതും കാണാമായിരുന്നു. മുഹമ്മദന്‍സിന് അനുകൂലമായ ഒരു പെനാല്‍റ്റി നിഷേധിച്ചതും പിന്നീട് കേരളം സ്കോര്‍ ചെയ്തതുമാണ് ആരാധകരുടെ ഈ രോഷത്തിനു പിന്നില്‍
