ഇന്ത്യയുടെ എക്കാലത്തെയും മികച്ച ബാറ്റര്‍മാരിലൊരാളായ വിരേന്ദര്‍ സെവാഗിന് ലഭിച്ച പോലെ പിന്തുണ തനിക്ക് ഒരിക്കലും ലഭിച്ചില്ലെന്ന വെളിപ്പെടുത്തലുമായി മുന്‍ ഇന്ത്യന്‍ ഓപ്പണര്‍ മുരളി വിജയ്.ഒരു സ്വകാര്യ സ്പോര്‍ട്സ് മാധ്യമത്തിന് നല്‍കിയ അഭിമുഖത്തിലാണ് മുരളിയുടെ തുറന്നുപറച്ചില്‍.
” തുറന്നുപറഞ്ഞാല്‍ ഇന്ത്യന്‍ ടീമില്‍ വിരേന്ദര്‍ സേവാഗ് അനുഭവിച്ചത് പോലെയുള്ള ഒരു സ്വാതന്ത്ര്യം എനിക്ക് ലഭിച്ചിട്ടില്ല.സേവാഗിന് കിട്ടിയതൊന്നും എനിക്ക് കിട്ടിയിട്ടില്ല.ഏറെ പ്രാധാന്യമുള്ള ഇന്റര്‍നാഷണല്‍ ലെവലിലുള്ള മത്സരങ്ങളില്‍ എനിക്ക് സേവാഗിന് ലഭിച്ചത് പോലെ പിന്തുണയും തുറന്ന ഉപദേശങ്ങളും ലഭിച്ചിരുന്നുവെങ്കില്‍ മെച്ചപ്പെടുത്താന്‍ സാധിക്കുമായിരുന്നു. ” മുരളി വിജയ് പറഞ്ഞു.
” സേവാഗിനെ പോലെയുള്ള ഒരു താരത്തെ ഞാന്‍ ഒരിക്കലും കണ്ടിട്ടില്ല.ഇന്ത്യന്‍ ടീമിലെ ഏറ്റവും മികച്ച താരങ്ങളിലൊരാളാണ് അദ്ദേഹം.അദ്ദേഹത്തിന്റെ കൂടെ നോണ്‍ സ്ട്രൈക്കിംഗ് എന്‍ഡില്‍ ബാറ്റ് ചെയ്യുമ്പോള്‍ അദ്ദേഹം കളിക്കുന്നത് കണ്ട് ആശ്ചര്യപ്പെട്ടുനിന്നിട്ടുണ്ട്.ബോളിനെ ശ്രദ്ധിക്കുക, അടിക്കുക, ഇതായിരുന്നു അദ്ദേഹത്തിന്റെ പോളിസി. ” – വിജയ് കൂട്ടിച്ചേര്‍ത്തു.
