അണ്ടര്‍-19 വനിത ടി20 ലോകകപ്പില്‍ കരുത്തരായ ഓസ്ട്രേലിയയെ അട്ടിമറിച്ച് ബംഗ്ലാദേശ്. ബെനോനിയില്‍ നടന്ന മത്സരത്തില്‍ ഏഴ് വിക്കറ്റിനാണ് ബംഗ്ലാദേശിന്റെ വിജയം. മത്സരത്തില്‍ ആദ്യം ബാറ്റ് ചെയ്ത ഓസ്ട്രേലിയ നിശ്ചിത 20 ഓവറില്‍ 5 വിക്കറ്റ് നഷ്ടത്തില്‍ 130 റണ്‍സാണ് നേടിയത്. 2 ന് 22 റണ്‍സ് എന്ന നിലയില്‍ നിന്നും മൂറിന്‍റെ (52) അര്‍ധസെഞ്ചുറി പ്രകടനമാണ് ഭേദപ്പെട്ട സ്കോറിലേക്ക് നയിച്ചത്
റണ്‍സ് പിന്തുടരാന്‍ എത്തിയ ബംഗ്ലാദേശിനു ആദ്യ പന്തില്‍ തന്നെ വിക്കറ്റ് നഷ്ടമായെങ്കിലും അഫീഫ (24) ദിലാറ (40) ഷൊര്‍ണ അക്തര്‍ (12) സുമയ അക്തര്‍ (25) എന്നിവരുടെ പ്രകടനം ബംഗ്ലാദേശിനെ വിജയത്തില്‍ എത്തിച്ചു.
സുമയ്യ, ബംഗ്ലാദേശിന്റെ വിജയ റൺസ് നേടിയതോടെ, ബംഗ്ലാദേശ് ഡഗ് ഔട്ട് വന്യമായ ആഘോഷങ്ങളിൽ മുഴുകി. കളി കഴിഞ്ഞ് ടീം ഡ്രസ്സിംഗ് റൂമിലേക്ക് മടങ്ങിയപ്പോള്‍ ആരാധകരും ഗ്രൗണ്ടിലേക്ക് ഇരച്ചെത്തി.
വീഡിയോ
