ക്രിക്കറ്റ് ലോകത്ത് എക്കാലവും താരങ്ങളും ആരാധകരും തമ്മിലുള്ള മികച്ച മുഹൂർത്തങ്ങൾ വളരെ അധികം ചർച്ചാവിഷയമായി മാറാറുണ്ട്. ഇന്ത്യൻ ക്രിക്കറ്റ് താരങ്ങളും എക്കാലവും ആരാധകപിന്തുണയിൽ ബഹുദൂരം മുൻപിലാണ്. ഇപ്പോൾ ക്രിക്കറ്റ് പ്രേമികൾക്കിടയിൽ എല്ലാം തന്നെ വളരെ അധികം ചർച്ചയായി മാറുന്നത് വിരാട് കോഹ്ലിയാണ്.
മുൻ നായകൻ കോഹ്ലി തന്റെ ടെസ്റ്റ്‌ കരിയറിലെ നൂറാമത്തെ ടെസ്റ്റ്‌ മത്സരമാണ് മോഹാലിയിൽ കളിച്ചത്.മൂന്നാം ദിനം ലങ്കക്ക് എതിരെ ഇന്നിങ്സിനും 222 റൺസിനും ജയിച്ച് രോഹിത് ശർമ്മയും ടീം കോഹ്ലിക്ക് നൂറാം ടെസ്റ്റിൽ ഗംഭീരമായ ഒരു ആദരവാണ് നൽകിയത്. അതേസമയം മോഹാലി ടെസ്റ്റ്‌ മത്സരത്തിന് ശേഷം കോഹ്ലി തന്റെ പ്രിയ ആരാധകന് ജേഴ്സി നൽകിയാണ് കയ്യടികൾ നേടുന്നത്.
മോഹാലി ടെസ്റ്റ്‌ മത്സരം പൂർത്തിയാക്കി ഇന്ത്യൻ ടീമിന് ഒപ്പം ടീം ബസിൽ കയറും മുൻപാണ് വിരാട് കോഹ്ലി വികലാംഗനായ ഒരു ആരാധകന് സർപ്രൈസ് സമ്മാനം നൽകിയത്.കഴിഞ്ഞ ദിവസം വളരെ അവിചാരിതമായി വികലാംഗനായ ഒരു കടുത്ത ഇന്ത്യൻ ക്രിക്കറ്റ് ആരാധകന്റെ അടുത്തേക്ക് നടന്ന് എത്തിയ വിരാട് കോഹ്ലി അദ്ദേഹം തോളിൽ തട്ടി തന്റെ കളിക്കുന്ന ജേഴ്സി സമ്മാനിച്ചു.ഒപ്പം ആരാധകനായ ധർമ്മവീറിനു ഒപ്പം അൽപ്പ നേരം സംസാരിക്കാനും വിരാട് കോഹ്ലി മറന്നില്ല. ധർമ്മവീർ തന്നെ ഇക്കാര്യം സോഷ്യൽ മീഡിയയിൽ കൂടി കഴിഞ്ഞ ദിവസം പങ്കുവെച്ചിരുന്നു.
ധർമ്മവീർ തന്നെ സോഷ്യൽ മീഡിയയിൽ കൂടി കോഹ്ലി തന്റെ അരികിലേക്ക് എത്തിയ വീഡിയോ പങ്കുവെച്ചിരുന്നു. നിമിഷ നേരം കൊണ്ടാണ് ഈ വീഡിയോ വൈറലായി മാറിയത്. അതേസമയം മോഹാലി ടെസ്റ്റിലെ ഒന്നാം ഇന്നിംഗ്സിൽ 45 റൺസിൽ പുറത്തായ കോഹ്ലി ടെസ്റ്റ്‌ ക്രിക്കറ്റിൽ 8000 റൺസ്‌ എന്നുള്ള നേട്ടത്തിലേക്ക് എത്തിയിരുന്നു.
