അർഹമായ ടെസ്റ്റ് ടീമിലേക്ക് യോഗ്യത നേടാൻ സർഫറാസ് ഖാൻ കൂടുതൽ എന്താണ് ചെയ്യേണ്ടത്? ആഭ്യന്തര ക്രിക്കറ്റില്‍ തകര്‍പ്പന്‍ ഫോം തുടരുന്ന സര്‍ഫറാസിനെ ഓസ്ട്രേലിയന്‍ പരമ്പരയില്‍ പരിഗണിക്കാതിരുന്നത് ഏറെ വിമര്‍ശനത്തിനു കാരണമായിരുന്നു. ഇപ്പോഴിതാ വിമര്‍ശനവുമായി രംഗത്ത് എത്തിയിരിക്കുകയാണ് ഇതിഹാസ താരം സുനില്‍ ഗവാസ്കര്.
സർഫറാസിന്റെ ശാരീരികക്ഷമതയെ ചോദ്യം ചെയ്തതിന് വിമർശകർക്കെതിരെ ആഞ്ഞടിച്ച ഗവാസ്കര്, ക്രിക്കറ്റ് താരങ്ങൾ എല്ലാ രൂപത്തിലും വലുപ്പത്തിലും വരുന്നുണ്ടെന്ന് ബാറ്റിംഗ് ഇതിഹാസം ഗവാസ്കർ അഭിപ്രായപ്പെട്ടു.
“നിങ്ങൾ മെലിഞ്ഞതും ഒതുക്കമുള്ളതുമായ താരങ്ങളെ മാത്രമേ തിരയുന്നുള്ളൂവെങ്കിൽ, ഒരു ഫാഷൻ ഷോയിൽ പോയി മോഡലുകളെ കണ്ടെത്തി അവരുടെ കൈകളിൽ ഒരു ബാറ്റും പന്തും കൊടുത്ത് അവരെ മെച്ചപ്പെടുത്താം. ക്രിക്കറ്റ് അങ്ങനെയല്ല പോകുന്നത്. നിങ്ങൾക്ക് എല്ലാ രൂപത്തിലും വലുപ്പത്തിലുമുള്ള ക്രിക്കറ്റ് താരങ്ങളുണ്ട്. വലുപ്പത്തിനനുസരിച്ച് പോകരുത്, സ്‌കോറുകളോ വിക്കറ്റുകളോ അനുസരിച്ച് പോകുക. സെഞ്ച്വറി നേടുമ്പോൾ അദ്ദേഹം കളത്തിന് പുറത്ത് നിൽക്കുന്നില്ല. അദ്ദേഹം വീണ്ടും കളത്തിൽ തിരിച്ചെത്തി. അത് ഫിറ്റ്നെസ് ഉള്ളതുകൊണ്ടാണ്.” ഗവാസ്കർ ഇന്ത്യ ടുഡേയോട് പറഞ്ഞു.
രഞ്ജി ട്രോഫിയുടെ 2023 പതിപ്പിൽ സർഫറാസ് തന്റെ മൂന്നാം സെഞ്ച്വറി നേടിയതിന് ദിവസങ്ങൾക്ക് ശേഷമാണ് ഗവാസ്‌കറിന്റെ പരാമർശം. യോ-യോ ടെസ്റ്റ് ഒരിക്കലും തിരഞ്ഞെടുക്കാനുള്ള ഏക മാനദണ്ഡമാകില്ലെന്ന് ഇതിഹാസ ക്രിക്കറ്റ് താരം ഗവാസ്കര് തറപ്പിച്ചു പറഞ്ഞു.
“ നിങ്ങള്‍ ഫിറ്റല്ലെങ്കില്‍ സെഞ്ചുറി നേടാനാകില്ലാ. നിങ്ങൾക്ക് എങ്ങനെ റൺസ് നേടാനാകും? യോ-യോ ടെസ്റ്റ് മാത്രം മാനദണ്ഡമാക്കാനാവില്ല. ആ താരം ക്രിക്കറ്റിനും ഫിറ്റാണെന്ന് ഉറപ്പാക്കണം. ആ വ്യക്തി, അത് ആരായാലും, ക്രിക്കറ്റിന് ഫിറ്റാണെങ്കില്‍, അത് പ്രശ്നമാകണമെന്ന് ഞാൻ കരുതുന്നില്ല, ”ഗവാസ്കർ കൂട്ടിച്ചേർത്തു.
