ഇന്ത്യന്‍ ടീമിന്റെ പ്ലെയിംഗ് ഇലവനിൽ ഇടം നേടുന്നതിലെ ബുദ്ധിമുട്ടുകള്‍ ചൂണ്ടികാട്ടി സഞ്ജു സാംസൺ. വരുന്ന ടി20 ലോകകപ്പിനുള്ള ഇന്ത്യന്‍ ടീമിൽ സഞ്ചുവിന് അവസരം ലഭിച്ചിരുന്നില്ലാ. ഏഴ് വർഷം മുമ്പ് അരങ്ങേറ്റം കുറിച്ചെങ്കിലും താരത്തിനു ഇതുവരെ പറയത്തക്ക തുടര്‍ച്ചയായി അവസരങ്ങള്‍ ലഭിച്ചട്ടില്ലാ.
പ്രതിഭകൾ ഉള്ളതിനാൽ നിലവിൽ ടീം ഇന്ത്യയുടെ പ്ലാനുകളിൽ ഇടം നേടുന്നത് വളരെ ബുദ്ധിമുട്ടാണെന്ന് സമ്മതിച്ചുകൊണ്ട് സഞ്ജു സാംസൺ പിടിഐയുമായുള്ള അഭിമുഖത്തില്‍ പറഞ്ഞു.
“ഇന്ത്യൻ ടീമിൽ ഇടം കണ്ടെത്തുക എന്നത് ശരിക്കും വെല്ലുവിളി നിറഞ്ഞതാണ്. ഇപ്പോൾ ടീമിലുള്ള കളിക്കാർക്കുള്ളിൽ പോലും ധാരാളം മത്സരങ്ങളുണ്ട്. ഇവ സംഭവിക്കുമ്പോൾ, എന്നിൽത്തന്നെ ശ്രദ്ധ കേന്ദ്രീകരിക്കേണ്ടത് പ്രധാനമാണ്.”
“ഞാൻ നടത്തുന്ന പ്രകടനത്തിൽ ഞാൻ സന്തുഷ്ടനാണ്. എനിക്ക് മെച്ചപ്പെടണം. ഞങ്ങളുടെ ടീമിലുള്ള ക്രിക്കറ്റ് താരങ്ങളുടെ നിലവാരം അവിശ്വസനീയമാണ്. അതിനാൽ, ഓരോ വ്യക്തിയെയും അവരുടെ നിലവാരം ഉയർത്താൻ ഇത് ശരിക്കും സഹായിക്കുന്നു. അവസരം കിട്ടുമ്പോഴെല്ലാം നന്നായി പ്രകടനം നടത്താന്‍ ശ്രദ്ധിക്കും.”
തന്‍റെ ചെറിയ അന്താരാഷ്ട്ര കരിയറിൽ, സാംസൺ വിവിധ റോളുകളിലാണ് കളിച്ചത്, ഓപ്പണര്‍ മുതല്‍ ഫിനിഷര്‍ ജോലി വരെ സഞ്ചു സാംസണ്‍ ചെയ്തിരുന്നു.
“വ്യത്യസ്‌ത റോളുകള്‍ ചെയ്യുന്നത് ഞാൻ ഒരുപാട് വർഷങ്ങളായി പരിശ്രമിക്കുന്ന കാര്യമാണ്. എവിടെയും ബാറ്റ് ചെയ്യുമെന്ന് എനിക്ക് ആത്മവിശ്വാസമുണ്ട്. നിങ്ങൾ സ്വയം ഒരു സ്ഥാനം ഉറപ്പിക്കരുത്. നിങ്ങൾക്ക് ആളുകളോട് പറയാൻ കഴിയില്ല: ‘ഞാൻ ഒരു ഓപ്പണറാണ് അല്ലെങ്കിൽ ഞാനൊരു ഫിനിഷറാണ്. .’ കഴിഞ്ഞ മൂന്ന്-നാല് വർഷങ്ങളിൽ, വിവിധ റോളുകളിലും സ്പോട്ടുകളിലും കളിക്കുന്നത് എന്റെ ഗെയിമിന് ഒരു പുതിയ മാനം നൽകി. ‘സഞ്ചു സാംസണ്‍ പറഞ്ഞു നിര്‍ത്തി.
