ശ്രീലങ്കയ്ക്കെതിരായ ടി20 പരമ്പരയിലെ ആദ്യ ട്വന്റി20യിൽ മോശം പ്രകടനം നടത്തിയ സഞ്ജു സാംസണെതിരെ വിമര്‍ശനവുമായി സുനില്‍ ഗവാസ്കര്‍. സഞ്ചു നിരാശപ്പെടുത്തകയാണെന്ന് മുന്‍ ഇന്ത്യന്‍ താരം പറഞ്ഞു. ‘‘സഞ്ജു സാംസൺ എത്ര മികച്ച താരമാണ്. സഞ്ജു സാംസണു പ്രതിഭയുണ്ട്. പക്ഷേ അദ്ദേഹത്തിന്റെ ഷോട്ട് സിലക്ഷനാണ് ചിലപ്പോഴൊക്കെ പുറത്താക്കുന്നത്. മറ്റൊരു സന്ദർഭത്തില്‍ കൂടി സഞ്ജു നിരാശപ്പെടുത്തുന്നു.’’– സുനിൽ ഗാവസ്കർ പ്രതികരിച്ചു.
ലഭിക്കുന്ന അവസരങ്ങള്‍ നന്നായി ഉപയോഗിക്കണമെന്ന് ഗൗതം ഗംഭീര്‍ പറഞ്ഞു. മത്സരത്തില്‍ ആറു പന്തുകൾ നേരിട്ട സഞ്ജു അഞ്ചു റൺസ് മാത്രമാണു നേടിയത്. ധനഞ്ജയ ഡിസിൽവയുടെ പന്തിൽ കൂറ്റന്‍ ഷോട്ടിന് ശ്രമിച്ച് എഡ്ജായാണ് സഞ്ജു പുറത്തായത്.
മത്സരത്തിൽ ഇന്ത്യ രണ്ടു റൺസിനാണു വിജയിച്ചത്. ആദ്യം ബാറ്റു ചെയ്ത ഇന്ത്യ അഞ്ച് വിക്കറ്റ് നഷ്ടത്തില്‍ 162 റൺസെടുത്തു. മറുപടി ബാറ്റിങ്ങിൽ 20 ഓവറിൽ 160 റൺസില്‍ എത്താനാണ് ശ്രീലങ്കയ്ക്കു സാധിച്ചുള്ളൂ.
പരമ്പരയിലെ ശേഷിക്കുന്ന മത്സരങ്ങളില്‍ സഞ്ചു സാംസണ്‍ ഉണ്ടാകില്ലാ. ഫീല്‍ഡിങ്ങിനിടെ താരത്തിനു പരിക്കേറ്റിരുന്നു.
