ചൊവ്വാഴ്ച നടന്ന ആദ്യ ടി20യിൽ ഓസ്‌ട്രേലിയൻ ഇന്നിംഗ്‌സിന്റെ 19-ാം ഓവർ ഭുവനേശ്വർ കുമാറിന് നൽകാനുള്ള ഇന്ത്യയുടെ തീരുമാനത്തിൽ മുൻ പാകിസ്ഥാൻ ക്യാപ്റ്റൻ സൽമാൻ ബട്ട് അതൃപ്തി പ്രകടിപ്പിച്ചു. 19ാം ഓവറില്‍ 16 റണ്‍സ് വഴങ്ങിയ ഇന്ത്യന്‍ സീനിയര്‍ ബൗളര്‍ വിജയലക്ഷ്യം അവസാന ആറ് പന്തിൽ രണ്ട് റൺസായി കുറച്ചു.
ഓസ്‌ട്രേലിയയ്‌ക്കെതിരായ ഇന്ത്യയുടെ തോൽവിക്ക് ശേഷം തന്റെ യൂട്യൂബ് ചാനലിൽ സംസാരിക്കവെ, സല്‍മാന്‍ ബട്ട് പരിഹാസത്തോടെ ഇങ്ങനെ അഭിപ്രായപ്പെട്ടു:
“ഭുവനേശ്വർ കുമാറിന് 19-ാം ഓവർ എറിയുമെന്ന് ആരെങ്കിലും വാക്ക് നൽകിയിട്ടുണ്ടോ എന്ന് എനിക്കറിയില്ല. ഒരു ലക്ഷ്യം പ്രതിരോധിക്കുമ്പോൾ നിങ്ങൾക്ക് എങ്ങനെ ഭുവനേശ്വറിനെ പ്രധാന ഓവറുകളിൽ ആക്രമണത്തിലേക്ക് കൊണ്ടുവരാൻ കഴിയുമെന്നത് എനിക്ക് മനസ്സിലാക്കാവുന്നതിലും അപ്പുറമാണ്. ആ തന്ത്രം നടക്കുമെന്ന് ഞാൻ കരുതുന്നില്ല. കാരണം അദ്ദേഹത്തിന് പേസും റിവേഴ്സ് സ്വിംഗും ഇല്ല.
45 റൺസുമായി പുറത്താകാതെ നിന്ന മാത്യു വെയ്‌ഡാണ് ഓസ്‌ട്രേലിയയുടെ ഹീറോ. ലെഗ് സൈഡില്‍ സ്ലോ ബോളുകള്‍ എറിഞ്ഞ് മാത്യൂ വേഡിന്‍റെ ജോലി എളുപ്പമാക്കിയെന്നും സല്‍മാന്‍ ബട്ട് പറഞ്ഞു. മുഹമ്മദ് സിറാജ്, ഉമ്രാന്‍ മാലിക്ക്, ഉമേഷ് യാദവ് എന്നിവര്‍ക്ക് ഭുവനേശ്വര്‍ കുമാറിന്‍റെ പകരക്കാരനാവാമെന്നും സല്‍മാന്‍ ബട്ട് അഭിപ്രായപ്പെട്ടു.
