ബൈലാട്രല്‍ പരമ്പരകളിലെ തന്‍റെ അപരാജിത കുതിപ്പ് രോഹിത് ശര്‍മ്മ നിലനിര്‍ത്തി. വെസ്റ്റ് ഇന്‍ഡീസിനെതിരെയുള്ള നാലാം ടി20 യില്‍ 59 റൺസിന് തോൽപ്പിച്ചു ഇന്ത്യ 3-1 ന് പരമ്പര സ്വന്തമാക്കി. മഴകാരണം വൈകി തുടങ്ങിയ മത്സരത്തില്‍ ആദ്യം ബാറ്റ് ചെയ്ത ഇന്ത്യ നിശ്ചിത 20 ഓവറില്‍ 191-5 എന്ന സ്‌കോറിലെത്തി. രോഹിത് 16 പന്തിൽ 33 റൺസും ഋഷഭ് പന്ത് 31 പന്തിൽ 44 റൺസും നേടി ടോപ്പ് സ്കോററായി.
മറുപടി ബാറ്റിംഗിനിറങ്ങിയ വെസ്റ്റ് ഇൻഡീസ് 132 റൺസിന് പുറത്തായി. പേസർ അർഷ്ദീപ് സിംഗ് 3 വിക്കറ്റ് നേടിയപ്പോൾ ആവേശ് ഖാൻ, അക്സർ പട്ടേൽ, രവി ബിഷ്‌നോയ് എന്നിവർ രണ്ട് വിക്കറ്റ് വീഴ്ത്തി.
വിജയത്തിന് ശേഷം ഇന്ത്യ ആഘോഷങ്ങളിൽ മുഴുകിയപ്പോൾ, സ്റ്റേഡിയത്തിലുണ്ടായിരുന്ന ആരാധകരോട് ഹൃദയസ്പർശിയായ ആംഗ്യത്തിലൂടെ രോഹിത് ഹൃദയം കീഴടക്കി. ബാരികേഡിനു സമീപത്തുണ്ടായിരുന്ന കാണികള്‍ക്കായി ഇന്ത്യന്‍ ക്യാപ്റ്റന്‍ ഹൈ-ഫൈവ് ചെയ്യുന്നത് കാണപ്പെട്ടു.
190 റൺസ് മികച്ച സ്‌കോറായിരുന്നുവെന്ന് മത്സരത്തിന് ശേഷമുള്ള അവതരണത്തിൽ രോഹിത് പറഞ്ഞു. അവസാന അഞ്ചോവറുകളില്‍ ക്രീസിലെത്തി ദിനേശ് കാര്‍ത്തിക്കിനൊപ്പം സഞ്ജു സ്കോര്‍ മുന്നോട്ട് നീക്കാന്‍ ശ്രമിച്ചെങ്കിലും കാര്‍ത്തിക്കിനെയും(6) മക്കോയ് മടക്കി. പതിനാറാം ഓവറില്‍ 150 കടന്ന ഇന്ത്യക്കായി അവസാന ഓവറുകളില്‍ സഞ്ജുവിനൊപ്പം(30) അക്സര്‍ പട്ടേലും(20) തകര്‍ത്തടിച്ചതോടെ ഇന്ത്യ 191ല്‍ എത്തി. അവസാന ഓവറുകളില്‍ സ്ട്രൈക്ക് ലഭിക്കാതിരുന്നത് സഞ്ജുവിന് തിരിച്ചടിയായി.
