ശ്രീലങ്കക്ക് എതിരായ ഒന്നാം ക്രിക്കറ്റ് ടെസ്റ്റിൽ ഇന്നിംഗ്സിനും 222 റൺസിനും ജയിച്ച ഇന്ത്യൻ ടീം രണ്ട് മത്സര ടെസ്റ്റ്‌ പരമ്പരയിൽ 1-0ന് മുന്നിലെത്തി. രോഹിത് ശർമ്മയുടെ ടെസ്റ്റ്‌ ക്യാപ്റ്റൻസി അരങ്ങേറ്റ മത്സരത്തിൽ മിന്നും ജയം നേടാൻ കഴിഞ്ഞത് ഇന്ത്യൻ ക്രിക്കറ്റ് പ്രേമികൾക്കും സന്തോഷവാർത്തയായി മാറി. മത്സരത്തിൽ ടീം ഇന്ത്യയുടെ സർവ്വ അധിപത്യമാണ് കാണാൻ കഴിഞ്ഞത്. സെഞ്ച്വറിയും ഒൻപത് വിക്കറ്റുമായി ജഡേജ തിളങ്ങിയപ്പോൾ അശ്വിൻ ആറ് വിക്കറ്റും അർദ്ധ സെഞ്ച്വറിയുമായി കയ്യടികൾ നേടി. മൂന്നാം ദിനം ലങ്കയെ രണ്ട് ഇന്നിങ്സിലും പുറത്താക്കിയാണ് ഇന്ത്യൻ ടീം ജയം പിടിച്ചെടുത്തത് എങ്കിൽ മൂന്നാം ദിനത്തെ ഒരു രസകരമായ കാഴ്ച ക്രിക്കറ്റ് ലോകത്തും സോഷ്യൽ മീഡിയ പ്ലാറ്റ്ഫോമുകളിലും വളരെ അധികം ചിരി പടർത്തുകയാണ്.
രണ്ടാം ഇന്നിങ്സിൽ അശ്വിന്റെ ഒരു ടേണിംഗ് ബോൾ റിഷാബ് പന്തിൽ അമ്പരപ്പായി മാറിയപ്പോൾ ഈ സംഭവം ഇന്ത്യൻ താരങ്ങളിൽ അടക്കം ചിരി പടർത്തി.ലങ്കൻ രണ്ടാം ഇന്നിങ്സിലെ നാല്പത്തിയെട്ടാം ഓവറിലാണ് അശ്വിന്റെ ഒരു ബോൾ വളരെ അധികം ടേൺ ആൻഡ് ബൗൺസ്‌ ചെയ്ത് വിക്കെറ്റ് കീപ്പർ റിഷാബ് പന്തിന്റെ തലക്ക് നേരെ എത്തിയത്.മുഖത്തിന് നേരെയായി വളരെ അധികം ഉയർന്ന പൊങ്ങിയ ഈ ഒരു ബോളിൽ റിഷാബ് പന്ത് തന്റെ തല മാറ്റി പിടിക്കാൻ ശ്രമിക്കുകയായിരുന്നു. പക്ഷേ വളരെ പെട്ടന്ന് വന്ന ഈ ഒരു ബോൾ ഇതിനിടെ താരത്തിന്റെ ഹെൽമറ്റ് നിലത്ത് തെറിപ്പിച്ച് വീഴ്ത്തി. ഹെൽമെറ്റ്‌ ഒപ്പം റിഷാബ് പന്തും തറയിലേക്ക് വേഗം വീഴ്ത്തിയത് ഇന്ത്യൻ താരങ്ങളിൽ അടക്കം ചിരി പടർത്തി.
റിഷാബ് പന്തിനെ പോലും ഞെട്ടിച്ച ഈ ബോളിൽ ചിരിയടക്കാന്‍ ബൗളർ അശ്വിന് പോലും കഴിഞ്ഞില്ല.അശ്വിനും ഇന്ത്യൻ ടീം സഹതാരങ്ങൾക്കും ചിരിയടക്കാൻ കഴിയാതെ വന്നതോടെ രംഗം കൂടുതൽ രസകരമായി മാറി.നേരത്തെ ഒന്നാം ഇന്നിംഗ്സിൽ 4 റൺസ്‌ അകലെയാണ് റിഷാബ് പന്തിന് സെഞ്ച്വറി നഷ്ടമായത്.
