ചുരുങ്ങിയ കാലയളവിനുള്ളില്‍ നിരവധി ആരാധകരെ കിട്ടിയ താരമാണ് സഞ്ചു സാംസണ്‍. മലയാളി താരത്തിനു കേരളത്തില്‍ മാത്രമല്ലാ, ഇന്ത്യയിലുടനീളം ആരാധകരുണ്ട്. അയര്‍ലണ്ടിനെതിരെയുള്ള പരമ്പരക്ക് ശേഷം സഞ്ചുവിനെ ഇന്ത്യന്‍ ടി20 ടീമില്‍ ഉള്‍പ്പെടുത്താനത് കാരണം പ്രതിഷേധം ഉയര്‍ന്നതിനു മുന്‍പില്‍ നിന്നത് നോര്‍ത്ത് ഇന്ത്യന്‍സായിരുന്നു.
അയര്‍ലണ്ടിനെതിരെയുള്ള മത്സരത്തില്‍ സഞ്ചുവിന്‍റെ ഫാന്‍ബേസ് കണ്ട് ഹാര്‍ദ്ദിക്ക് പാണ്ട്യയും അതിശയിച്ചിരുന്നു. ഇപ്പോഴിതാ ഒരു ആരാധകന്‍ സഞ്ചുവിന്‍റെ ചിത്രം വരച്ചിരിക്കുന്നത് പങ്കുവച്ചിരിക്കുകയാണ് രാജസ്ഥാന്‍ റോയല്‍സ്. ‘വിത്ത് ലൗ ഫോര്‍ സഞ്ചു ‘ എന്ന അടികുറിപ്പോടെയാണ് രാജസ്ഥാന്‍ റോയല്‍സ് വീഡിയോ പങ്കുവച്ചത്.
ചിത്രം ആരാണെന്നോ, എവിടെയാണെന്നോ ഒന്നും വ്യക്തമല്ലാ. രണ്ടു പേര്‍ ചേര്‍ന്ന് ചുവരില്‍, സഞ്ചു ഇന്ത്യന്‍ ജേഴ്സി ധരിച്ചിരിക്കുന്ന ചിത്രമാണ് വരയ്ക്കുന്നത്.
നിലവില്‍ വിന്‍ഡീസ് പര്യടനം നടത്തുന്ന ഇന്ത്യന്‍ ടീമിന്‍റെ ഭാഗമാണ് സഞ്ചു സാംസണ്‍. ഏകദിന സ്ക്വാഡില്‍ ഇടം നേടിയ താരം ടീമിനൊപ്പം ചേര്‍ന്നു. ജൂലൈ 22,24,27 എന്നീ തീയ്യതികളിലാണ് മത്സരം.
വിന്‍ഡീസിനെതിരെയുള്ള ടി-20 പരമ്പരയ്ക്കുള്ള ഇന്ത്യന്‍ സ്‌ക്വാഡ്:
രോഹിത് ശര്‍മ (ക്യാപ്റ്റന്‍), ഇഷാന്‍ കിഷന്‍, കെ.എല്‍. രാഹുല്‍, സൂര്യകുമാര്‍ യാദവ്, ദീപക് ഹൂഡ, ശ്രേയസ് അയ്യര്‍, ദിനേഷ് കാര്‍ത്തിക്, റിഷബ് പന്ത്, രവീന്ദ്ര ജഡേജ, അക്സര്‍ പട്ടേല്‍, ആര്‍. അശ്വിന്‍, രവി ബിഷ്ണോയ്, കുല്‍ദീപ് യാദവ്, ഭുവനേശ്വര്‍ കുമാര്‍, ആവേശ് ഖാന്‍, ഹര്‍ഷല്‍ പട്ടേല്‍, അര്‍ഷ്ദീപ് സിങ്
