ഏഷ്യ കപ്പ് ടൂര്‍ണമെന്‍റിലെ സൂപ്പര്‍ ഫോര്‍ പോരാട്ടത്തിലെ ആദ്യ മത്സരത്തില്‍ പാക്കിസ്ഥാനുമായി ഇന്ത്യ തോല്‍വി നേരിട്ടിരുന്നു. 18ാം ഓവറില്‍ അല്‍ഷദീപ് സിങ്ങ് ക്യാച്ച് കൈവിട്ടത് ഏറെ നിര്‍ണായകമായിരുന്നു. മത്സരത്തില്‍ ബോളിംഗില്‍ മികച്ച പ്രകടനം നടത്തിയട്ടും ഈ ഒരു ക്യാച്ച് കൈവിട്ടതിന്‍റെ പേരില്‍ നിരവധി അധിഷേപമാണ് ഇന്ത്യന്‍ യുവ പേസര്‍ നേരിട്ടത്.
മുന്‍ ഇന്ത്യന്‍ ക്യാപ്റ്റന്‍ വിരാട് കോഹ്ലി ഇന്ത്യക്ക് പരസ്യ പിന്തുണ പ്രഖ്യാപിച്ചിരുന്നു. ഇപ്പോഴിതാ അര്‍ഷദീപിനു പിന്തുണയും ഉപദേശവുമായി എത്തിയിരിക്കുകയാണ് മുഹമ്മദ് ഷാമി.
ടീം മികച്ച പ്രകടനം നടത്തുമ്പോൾ ട്രോളുകൾ കാണില്ലെന്നും വ്യാജ അക്കൗണ്ടുകളിൽ നിന്ന് അത്തരം സന്ദേശങ്ങൾ അയയ്ക്കുന്നത് എളുപ്പമാണെന്നും ഷമി പറഞ്ഞു. “ഞങ്ങളെ ട്രോളാൻ വേണ്ടി മാത്രമാണ് അവർ ജീവിക്കുന്നത്, വേറെ ജോലിയൊന്നുമില്ല. ഞങ്ങൾ മികച്ച പ്രകടനം നടത്തുമ്പോൾ നിങ്ങൾ നല്ല ക്യാച്ച് എടുത്തെന്ന് അവർ പറയില്ല, പക്ഷേ ഞങ്ങളെ ട്രോളുമോ?” ഷമി പറഞ്ഞു.
”നിങ്ങൾക്ക് ധൈര്യമുണ്ടെങ്കിൽ, യഥാർത്ഥ അക്കൗണ്ടുകളിൽ നിന്ന് അയക്കൂ. വ്യാജ അക്കൗണ്ടുകളിൽ നിന്ന് ആർക്കും സന്ദേശം നൽകാം” അദ്ദേഹം കൂട്ടിച്ചേർത്തു.
താനും മുമ്പ് ഇത്തരം അനുഭവിച്ചിട്ടുണ്ടെങ്കിലും തന്റെ രാജ്യം എപ്പോഴും തനിക്ക് വേണ്ടി നിലകൊണ്ടിട്ടുണ്ടെന്നും ഷമി പറഞ്ഞു. ഭാവിയിൽ തിളങ്ങാൻ അർഷ്ദീപിനെ അദ്ദേഹം പിന്തുണച്ചു. “ഞാൻ ഇത് നേരിട്ടു, ഇത് എന്നെ ബാധിക്കില്ല, കാരണം എന്റെ രാജ്യം എനിക്ക് വേണ്ടി നിലകൊള്ളുന്നു. ഞാൻ അർഷ്ദീപിനോട് മാത്രമേ പറയൂ, ഇത് നിങ്ങളെ തടസ്സപ്പെടുത്തരുത്, കാരണം നിങ്ങളുടെ കഴിവ് അപാരമാണ്,” ഷമി പറഞ്ഞു.
