ജൂലൈ 1 ന് ആരംഭിക്കാനിരിക്കുന്ന ഇംഗ്ലണ്ടിനെതിരായ എഡ്ജ്ബാസ്റ്റൺ ടെസ്റ്റിനായി ഇന്ത്യൻ ബാറ്റര്‍ മായങ്ക് അഗർവാളിന് ഇംഗ്ലണ്ടിലെത്താന്‍ നിര്‍ദ്ദേശം നല്‍കി. ഇംഗ്ലണ്ടിലേക്കുള്ള യാത്ര പുറപ്പെട്ട താരം ഇന്ത്യന്‍ ടീമുമായി ഉടന്‍ കൂടിചേരും. പുതിയ സർക്കാർ നിയമങ്ങൾ അനുസരിച്ച്, അഗർവാൾ ക്വാറന്റൈനിൽ പോകേണ്ടതില്ല, അതിനാൽ ആവശ്യമെങ്കിൽ ഉടൻ കളിക്കാൻ ലഭ്യമാകും.
31 കാരനായ അഗർവാളിനെ മെയ് മാസത്തിൽ എഡ്ജ്ബാസ്റ്റൺ ടെസ്റ്റിനുള്ള ടീമിൽ നിന്ന് ഒഴിവാക്കിയിരുന്നു, എന്നാൽ കെ എൽ രാഹുലിന്റെ പരിക്കും കോവിഡ് -19 കാരണം രോഹിത് ശർമ്മയുടെ സംശയവും അദ്ദേഹത്തിന് അവസരം കിട്ടുകയായിരുന്നു.
ശ്രീലങ്കയ്‌ക്കെതിരായ പരമ്പരയിൽ മാർച്ചിലാണ് അഗർവാളിന് അവസാനമായി ഒരു ടെസ്റ്റ് കളിച്ചത്, എന്നാൽ രണ്ട് മത്സരങ്ങളിൽ നിന്ന് 19.66 ശരാശരിയിൽ 59 റൺസ് മാത്രമാണ് നേടാനായത്. അതിനുശേഷം അദ്ദേഹം ഐപിഎല്ലിൽ പഞ്ചാബ് കിംഗ്സിനായി കളിച്ചു. 16.33 ശരാശരിയിലും 122.5 സ്‌ട്രൈക്ക് റേറ്റിലും 196 റൺസ് മാത്രമാണ് താരത്തിനു നേടാനായത്.
ശുഭ്മാന്‍ ഗില്ലിനൊപ്പം ഓപ്പണ്‍ ചെയ്യാന്‍ ശ്രീകാര്‍ ഭരത്, ചേത്വേശര്‍ പൂജാര, ഹനുമ വിഹാരി എന്നീ താരങ്ങളും ടീമിനൊപ്പം ഉണ്ട്.
India’s Test squad: Rohit Sharma (Captain) Shubman Gill, Virat Kohli, Shreyas Iyer, Hanuma Vihari, Cheteshwar Pujara, Rishabh Pant (wk), KS Bharat (wk), Ravindra Jadeja, Ravichandran Ashwin, Shardul Thakur, Mohd Shami, Jasprit Bumrah, Mohd Siraj, Umesh Yadav, Prasidh Krishna
