എഡ്ജ്ബാസ്റ്റണിൽ നടന്ന അഞ്ചാം ടെസ്റ്റിൽ സന്ദർശകരെ കീഴടക്കിയതോടെ 15 വർഷത്തിനിടെ ഇംഗ്ലീഷ് മണ്ണിൽ ഒരു ടെസ്റ്റ് പരമ്പര നേടുകയെന്ന ഇന്ത്യയുടെ സ്വപ്നം ഇംഗ്ലണ്ട് തകർത്തു. ജോണി ബെയർസ്റ്റോയുടെയും ജോ റൂട്ടിന്റെയും സെഞ്ചുറികളുടെ പിൻബലത്തിൽ നാലാം ഇന്നിംഗ്‌സിൽ 378 റൺസ് എന്ന കൂറ്റൻ വിജയലക്ഷ്യം പിന്തുടരാൻ ഇംഗ്ലണ്ടിനു കഴിഞ്ഞു. ഇപ്പോഴിതാ ടെസ്റ്റിലെ സച്ചിൻ ടെണ്ടുൽക്കറുടെ റണ്ണിനെ മറികടക്കാൻ റൂട്ടിന് കഴിയുമെന്ന് മുൻ ഇന്ത്യൻ ക്രിക്കറ്റ് താരം വസീം ജാഫർ പ്രസ്താവിച്ചു.
ഇന്ത്യക്കെതിരെയുള്ള നീണ്ട അഞ്ച് മത്സരങ്ങളുടെ ടെസ്റ്റ് പരമ്പരയിൽ മുൻ ഇംഗ്ലണ്ട് ക്യാപ്റ്റൻ 737 റൺസുമായി ഏറ്റവും കൂടുതൽ റൺസ് സ്‌കോററായിരുന്നു. പരമ്പരയിൽ ഇംഗ്ലണ്ട് സമനില നേടിയപ്പോൾ ഇന്ത്യയ്‌ക്കെതിരായ ഇംഗ്ലണ്ടിന്റെ റെക്കോർഡ് ചേസിംഗിന് പിന്നിലെ നായകനായിരുന്നു അദ്ദേഹം. റെഡ്-ബോൾ ക്രിക്കറ്റിൽ കഴിഞ്ഞ രണ്ട് വർഷമായി റൂട്ട് മികച്ച ഫോമിലാണ്.
ടെസ്റ്റ് ക്രിക്കറ്റിൽ ഏറ്റവും കൂടുതൽ റൺസ് നേടിയ സച്ചിന്റെ റെക്കോർഡ് തകർക്കാൻ കഴിയുമെന്നാണ് മുൻ ഇന്ത്യൻ ഓപ്പണർ വസീം ജാഫർ വിശ്വസിക്കുന്നത്. ഇംഗ്ലീഷ്, ഓസ്‌ട്രേലിയൻ താരങ്ങൾ തങ്ങളുടെ കരിയർ നേരത്തെ അവസാനിപ്പിക്കുന്നുണ്ടെങ്കിലും, അടുത്ത 5-6 വർഷത്തേക്ക് നിലവിലെ നിലവാരത്തിൽ കളിച്ചാൽ റൂട്ടിന് നാഴികക്കല്ലിലെത്താൻ കഴിയുമെന്ന് ജാഫർ പറഞ്ഞു.
“അത്രയും നേരം കളിച്ചാൽ അവനത് ചെയ്യാൻ കഴിയും. അദ്ദേഹത്തിന് 31 വയസ്സ് മാത്രമാണുള്ളത്. ഇംഗ്ലീഷ്, ഓസ്‌ട്രേലിയൻ കളിക്കാരുടെ കരിയർ ദൈർഘ്യമേറിയതല്ലെന്ന് നമുക്കെല്ലാവർക്കും അറിയാം. പക്ഷേ, അദ്ദേഹം 5-6 വർഷം കൂടി കളിക്കുകയാണെങ്കിൽ, റെക്കോർഡ് തകർക്കാൻ അദ്ദേഹത്തിന് കഴിയുമെന്ന് എനിക്ക് തോന്നുന്നു, ”ഇഎസ്‌പിഎൻ ക്രിക്‌ഇൻഫോയിലെ ഷോയില്‍ ജാഫർ പറഞ്ഞു.
നിലവിൽ 121 ടെസ്റ്റുകളിൽ നിന്ന് 10,458 റൺസ് നേടിയ റൂട്ടിന് സച്ചിന്റെ 15,921 റൺസ് എന്ന സച്ചിന്റെ നേട്ടം മറികടക്കാന്‍ കനത്ത വെല്ലുവിളിയാകും നേരിടേണ്ടി വരിക.
