അടുത്തയാഴ്ച എഡ്ജ്ബാസ്റ്റണിൽ ഇംഗ്ലണ്ടിനെതിരായ അവസാന ടെസ്റ്റ് മത്സരത്തിനു മുന്നോടിയായുള്ള പരിശീലന മത്സരത്തില്‍ മുൻ ഇന്ത്യൻ നായകൻ വിരാട് കോഹ്ലി അര്‍ദ്ധസെഞ്ചുറി നേടി. കഴിഞ്ഞ കുറച്ച് മാസങ്ങളിൽ മോശം ഫോമിൽ നിൽക്കുന്ന കോഹ്ലി റണ്‍സ് കണ്ടെത്തിയത് ഇന്ത്യന്‍ ക്യാംപിന് ആശ്വസകരമാണ്.
മോശം ഫോമിനിടയിലും ഇംഗ്ലണ്ടിലെ അവസാന ടെസ്റ്റ് മത്സരത്തില്‍ തകര്‍പ്പന്‍ പ്രകടനം കോഹ്ലി നടത്തും എന്ന് പറയുകയാണ് മുന്‍ ഇന്ത്യന്‍ താരം ദിലീപ് വെങ്‌സർക്കർ.”എനിക്ക് ഉറപ്പുണ്ട്, കാരണം അദ്ദേഹം (കോഹ്ലി) ഒരു ലോകോത്തര കളിക്കാരനാണ്. അവൻ നന്നായി ചെയ്തു, വളരെ ഫിറ്റാണ്. അദ്ദേഹം ടി20യിൽ സ്‌കോർ ചെയ്യുന്നില്ല, പക്ഷേ ഞാൻ അവൻ ശക്തമായി തിരിച്ചുവരുമെന്ന് കരുതുന്നു, പ്രത്യേകിച്ച് ഇംഗ്ലണ്ടിലെ ടെസ്റ്റിൽ അവനും രോഹിത് ശർമ്മയും ഇംഗ്ലണ്ടിൽ വലിയ റൺസ് അടിക്കുമെന്ന് പ്രതീക്ഷിക്കുന്നു.
ടെസ്റ്റ് മത്സരത്തിനായി സീനിയര്‍ താരങ്ങള്‍ ഇംഗ്ലണ്ടിലേക്ക് പോയപ്പോള്‍, തന്റെ ഐപിഎൽ ടീമായ ഗുജറാത്ത് ടൈറ്റൻസിനെ കിരീടത്തിലേക്ക് നയിച്ച ഹാർദിക് പാണ്ഡ്യ, അയര്‍ലണ്ടിനെതിരെയുള്ള രണ്ട് മത്സരങ്ങളുടെ ടി20 പരമ്പരയ്ക്കായി നയിക്കാന്‍ ഒരുങ്ങുകയാണ്
ഹാർദിക്കിനെ പുകഴ്ത്തി വെങ്‌സർക്കർ പറഞ്ഞു, “അദ്ദേഹം (ഹാർദിക്) പരിക്കിൽ നിന്ന് തിരിച്ചെത്തിയ രീതി വളരെ മികച്ചതാണ്. തന്റെ ഫിറ്റ്‌നസിൽ അദ്ദേഹം വളരെ കഠിനാധ്വാനം ചെയ്തിരിക്കണം. ഐ‌പി‌എല്ലിലും ക്യാപ്റ്റനെന്ന നിലയിലും അദ്ദേഹം മികച്ച പ്രകടനം കാഴ്ചവച്ചു. അവന്‍ വളരെ മികച്ച ഓൾറൗണ്ടർ ആണ് ‘
“അദ്ദേഹം മുന്നിൽ നിന്ന് നയിച്ചു. ക്യാപ്റ്റനെന്ന നിലയിൽ തന്റെ ആദ്യ പ്രധാന ടൂർണമെന്റിൽ അദ്ദേഹം ടീമിനെ നയിച്ചു.ടീമില്‍ ഏറെ നിർണായകമായി ഓൾറൗണ്ടർ. ഇന്ത്യയുടെ ഭാവി നായകനായി ഹാർദിക് ഒരു ഓപ്ഷനാണ്. എന്നാല്‍ തീരുമാനങ്ങളെല്ലാം സെലക്ടർമാരുടെ കൈകളിലാണ്’ ” അദ്ദേഹം കൂട്ടിച്ചേർത്തു.
