ഇതിഹാസതാരം സച്ചിൻ ടെണ്ടുൽക്കറും രോഹിത് ശർമ്മയും വിരാട് കോഹ്‌ലിയും ഇന്ത്യൻ ക്രിക്കറ്റ് ചരിത്രത്തിലെ ഏറ്റവും വലിയ ബാറ്റിംഗ് സൂപ്പർസ്റ്റാറുകളാണ്. ആരാധകരുടെ ജനപ്രീതിയുടെയും റെക്കോർഡുകളുടെയും കാര്യത്തിൽ അവരുടെ താരമൂല്യം സമാനതകളില്ലാത്തതാണ്. 1990-കൾ മുതൽ 2010 വരെ ഇന്ത്യൻ ക്രിക്കറ്റിന്റെ ഏറ്റവും മികച്ച പോസ്റ്റർ ബോയ് സച്ചിൻ ആയിരുന്നെങ്കിൽ, രോഹിതും കോഹ്‌ലിയുമാണ് നിലവില്‍ ഇന്ത്യന്‍ ക്രിക്കറ്റില്‍ ആരാധകരുടെ പ്രിയ താരങ്ങള്‍. ഇപ്പോഴിതാ ശുഭ്മാന്‍ ഗില്‍ ഇവരോടൊപ്പം താരതമ്യം ചെയ്തും അഭിനന്ദിച്ചും എത്തിയിരിക്കുകയാണ് മുന്‍ ഇന്ത്യന്‍ താരം ഹര്‍ഭജന്‍ സിങ്ങ്.
ഹരാരെയിൽ നടന്ന പരമ്പരയിലെ മൂന്നാം ഏകദിനത്തിൽ സിംബാബ്‌വെയ്‌ക്കെതിരെ ഇന്ത്യയ്‌ക്കായി തന്റെ കന്നി സെഞ്ച്വറി ഗില്‍ നേടിയിരുന്നു. ഗില്ലിന്റെ മികവില്‍ ആകര്‍ഷിച്ച ഹര്‍ഭജന്‍, യുവതാരത്തെ രോഹിതിന്റെയും കോഹ്‌ലിയുടെയും അതേ വിഭാഗത്തിൽ ഉൾപ്പെടുത്താൻ മടിച്ചില്ല.
” സാങ്കേതികതയും മികച്ച ഷോട്ട് സെലക്ഷനും ഉള്ള ഒരു ബാറ്റ്‌സ്‌മാനാണ് അദ്ദേഹം. ബാറ്റിങ്ങിന്‍റെ കാര്യത്തിൽ, നിലവിലെ ഇന്ത്യൻ ടീമിലെ രോഹിത് ശർമ്മ, വിരാട് കോഹ്ലി, കെഎൽ രാഹുൽ എന്നിവരോടൊപ്പം ഞാൻ അദ്ദേഹത്തെ ബ്രാക്കറ്റ് ചെയ്യും. അവർ ബാറ്റ് ചെയ്യുന്നത് നിങ്ങള്‍ ഇഷ്ടപ്പെടും,” അദ്ദേഹം ടൈംസ് ഓഫ് ഇന്ത്യയോട് പറഞ്ഞു.
97 പന്തിൽ 15 ബൗണ്ടറികളും ഒരു സിക്‌സും സഹിതം 130 റൺസെടുത്ത ഗിൽ, സച്ചിൻ ടെണ്ടുൽക്കറുടെ 24 വർഷത്തെ റെക്കോർഡാണ് തകർത്തത്. 1998ലെ ബുലവായോയിൽ സച്ചിന്റെ 127 നോട്ടൗട്ട് സ്‌കോർ ഗില്‍ മറികടന്നു. സിംബാബ്‌വെയിൽ ഏകദിനത്തിൽ ഒരു ഇന്ത്യക്കാരന്റെ ഏറ്റവും ഉയർന്ന വ്യക്തിഗത സ്‌കോറാണ് ഗില്‍ സ്വന്തമാക്കിയത്‌.
“അവൻ വിജയത്തിനായി ആഗ്രഹിക്കുന്നു എന്നതാണ് അവനെക്കുറിച്ചുള്ള നല്ല കാര്യം. ഇക്കാലത്ത് കുറച്ച് ബാറ്റ്‌സ്മാൻമാർക്ക് അവർ റൺസ് നേടാത്തപ്പോൾ വിഷമം തോന്നുന്നു. അവൻ ആ കഥാപാത്രങ്ങളിൽ ഒരാളാണ്. മോശം ഫോമിലായിരിക്കുമ്പോൾ ടീമിനു താന്‍ കാരണം ദോഷം വരും എന്ന് അയാൾക്ക് തോന്നുന്നു. അതൊരു ഗുണമാണ്. ഇത് ഓരോ താരങ്ങളുള്‍ക്ക് ഉറപ്പായും ഉണ്ടായിരിക്കണം. സച്ചിനും ഉണ്ടായിരുന്ന ഒരു ഗുണമാണിത്,” ഹർഭജൻ കൂട്ടിച്ചേർത്തു.
