ഇംഗ്ലണ്ടിനെതിരെയുള്ള മൂന്ന് മത്സരങ്ങളുടെ ടി20 പരമ്പരയിലെ രണ്ടാം മത്സരത്തിൽ ദീപക് ഹൂഡയെ ഇന്ത്യൻ ടീം പ്ലേയിംഗ് ഇലവനിൽ ഉൾപ്പെടുത്തിയില്ല. പാര്‍ടൈം ബോളര്‍കൂടിയായ ദീപക്ക് ഹൂഡ സമീപകാലത്ത് ഭയങ്കര ഫോമിലാണ്. ഇന്ത്യൻ നാഷണൽ ക്രിക്കറ്റ് ടീമിനായി കളിച്ച ടി20 ഇന്റർനാഷണൽ ഗെയിമുകളിൽ, മികച്ച സ്ട്രൈക്ക് റേറ്റിൽ റൺസ് നേടി അദ്ദേഹം മികച്ച പ്രകടനം കാഴ്ചവച്ചിരുന്നു.
അയർലൻഡ് ടീമിനെതിരെ അടുത്തിടെ അവസാനിച്ച രണ്ട് മത്സരങ്ങളുടെ ടി20 പരമ്പരയിൽ, ഹാർദിക് പാണ്ഡ്യയുടെ നയിച്ച ടീമിന് വേണ്ടി അദ്ദേഹം മികച്ച രീതിയിൽ ബാറ്റ് ചെയ്തു. ഡബ്ലിനിൽ അയർലൻഡിനെതിരായ രണ്ടാം ടി20യിൽ, 57 പന്തിൽ 9 ഫോറും 6 സിക്സും ഉൾപ്പെടെ 104 റൺസ് നേടിയ അദ്ദേഹം 182.45 സ്ട്രൈക്ക് റേറ്റിൽ ബാറ്റ് ചെയ്തു. വിക്കറ്റ് കീപ്പർ ബാറ്റ്‌സ്മാൻ സഞ്ജു സാംസണുമായി ചേർന്ന് 176 റൺസിന്റെ റെക്കോർഡ് കൂട്ടുകെട്ടും അദ്ദേഹം പടുത്തുയർത്തി.
ഫോം തുടര്‍ന്ന ദീപക്ക് ഹൂഡ ഇംഗ്ലണ്ടിനെതിരായ ആദ്യ ടി20 യിൽ അദ്ദേഹം 17 പന്തിൽ 33 റൺസ് അടിച്ചിരുന്നു. മൊത്തത്തിൽ, ദീപക് ഹൂഡ ഇന്ത്യക്കായി 6 മത്സരങ്ങൾ കളിച്ചിട്ടുണ്ട്, ഇതുവരെ 68.3 ശരാശരിയിലും 172.3 സ്ട്രൈക്ക് റേറ്റിലും 205 റൺസാണ് യുവതാരം നേടിയത്.
Very unfortunate for Deepak Hooda to miss out in this red hot form.
— Irfan Pathan (@IrfanPathan) July 9, 2022
ടെസ്റ്റ് കളിച്ച ഇന്ത്യൻ ടീമിന്റെ സീനിയര്‍ താരങ്ങള്‍ ടീമിലേക്ക് മടങ്ങിയെത്തിയപ്പോഴാണ് ദീപക്ക് ഹൂഡക്ക് സ്ഥാനം നഷ്ടമായത്. മികച്ച ഫോമിലുള്ള ഹൂഡയെ ഒഴിവാക്കിയത് വന്‍ ആരാധക രോഷത്തിനു കാരണമായി
