മുൻ ദക്ഷിണാഫ്രിക്കൻ താരവും ചെന്നൈ സൂപ്പര്‍ കിംഗ്സ് താരവുമായ ഫാഫ് ഡൂപ്ലെസിയെ പുതിയ ദക്ഷിണാഫ്രിക്കന്‍ ക്രിക്കറ്റ് ലീഗിലേക്ക് ചെന്നൈ സൂപ്പർ കിംഗ്സ് മാനേജ്മെന്റ് സ്വന്തമാക്കിയ ജോഹാനസ്ബര്‍ ടീം സ്വന്തമാക്കി. അടുത്ത വർഷം ആദ്യം ആരംഭിക്കുന്ന ആറ് ടീമുകളുടെ ലീഗിലേക്കുള്ള കളിക്കാരെ നേരിട്ട് ഏറ്റെടുക്കാനുള്ള അവസാന ദിവസമായിരുന്നു ബുധനാഴ്ച.
ഐപിഎൽ ടീമുകളുടെ ഉടമസ്ഥതയിലുള്ള ആറ് ഫ്രാഞ്ചൈസികളും സ്വന്തമാക്കിയ താരങ്ങളുടെ പേരുകള്‍ ക്രിക്ക്ബുസ് റിപ്പോര്‍ട്ട് ചെയ്തു. 2016ലും 2017ലും ഒഴികെ 2011 മുതൽ 2021 വരെ ഡു പ്ലെസിസ് സിഎസ്‌കെയെ പ്രതിനിധീകരിച്ചിരുന്നു. 2022 ലെ ലേലത്തിൽ സിഎസ്‌കെക്ക് അദ്ദേഹത്തെ നിലനിർത്താനായില്ല, അദ്ദേഹത്തെ റോയൽസ് ചലഞ്ചേഴ്‌സ് ബാംഗ്ലൂർ വാങ്ങുകയും അവരുടെ ക്യാപ്റ്റനായും തിരഞ്ഞെടുക്കുകയും ചെയ്തു. ഡൂപ്ലെസിയെ കൂടാതെ മൊയിന്‍ അലിയേയും ചെന്നൈ മാനേജ്മെന്റ് സ്വന്തമാക്കിയട്ടുണ്ട്.
ഒരേ രാജ്യത്തുനിന്നുള്ള രണ്ടുപേരിൽ കൂടാത്ത മൂന്ന് വിദേശ താരങ്ങള്‍, ഒരു അൺക്യാപ്പ്ഡ് കളിക്കാരൻ എന്നിങ്ങനെ അഞ്ച് കളിക്കാരുടെ ലിസ്റ്റ് സമർപ്പിക്കാൻ ഫ്രാഞ്ചൈസികളോട് ആവശ്യപ്പെട്ടിട്ടുണ്ട്. ഡൽഹി ക്യാപിറ്റൽസിന്റെയും സൺറൈസേഴ്‌സ് ഹൈദരാബാദിന്റെയും ഉടമസ്ഥതയിലുള്ള പ്രിട്ടോറിയ, പോർട്ട് എലിസബത്ത് ടീമുകൾ യഥാക്രമം ഐപിഎൽ പട്ടികയിലെ ദക്ഷിണാഫ്രിക്കൻ കളിക്കാരായ ആൻറിച്ച് നോർക്കിയ, എയ്ഡൻ മാർക്രം എന്നിവരെ നിലനിർത്തി. പാള്‍ ആസ്ഥാനമായ രാജസ്ഥാൻ റോയൽസ് തങ്ങളുടെ ഐപിഎൽ താരമായ ജോസ് ബട്ട്‌ലറെ നിലനിർത്തി. സഞ്ജീവ് ഗോയങ്കയുടെ ലഖ്‌നൗ സൂപ്പർ ജയന്റ്‌സ് മാനേജ്മെന്റ്, ഡർബൻ ടീമിനെ വാങ്ങിയ ശേഷം, ക്വിന്റൺ ഡി കോക്കിനെ നിലനിർത്തി.
മുംബൈ ഇന്ത്യൻസ് മാനേജ്മെന്റ് അവരുടെ കേപ്ടൗൺ ടീമിനായി വലിയ സൈനിംഗുകളാണ് നടത്തയത് സാം കറൻ, ലിയാം ലിവിംഗ്‌സ്റ്റൺ, കാഗിസോ റബാഡ, റാഷിദ് ഖാൻ എന്നിവരെയാണ് സ്വന്തമാക്കിയട്ടുള്ളത്, റിലയൻസ് ഇൻഡസ്ട്രീസ് ലിമിറ്റഡിന്റെ ഉടമസ്ഥതയിലുള്ള എം.ഐ മാനേജ്മെന്റ് ടീമിന് എംഐ കേപ്ടൗൺ എന്ന് നാമകരണം ചെയ്തു. തങ്ങളുടെ യുഎഇ ലീഗ് ടീമിനെ എംഐ എമിറേറ്റ്സ് എന്ന് വിളിക്കുമെന്ന് അവർ പ്രഖ്യാപിച്ചിരുന്നു.
- MI – Rashid Khan, Liam Livingstone, Kagiso Rabada, Sam Curran.
- CSK – Faf Du Plessis, Moeen Ali.
- DC – Anrich Nortje.
- SRH – Aiden Markram.
- RR – Jos Buttler.
- LSG – De Kock.
