ഓപ്പണർമാരായ ബാബർ അസമും മുഹമ്മദ് റിസ്വാനും സ്വീകരിച്ച സ്ലോ ബാറ്റിംഗ് സമീപനത്തെ വിമർശിച്ച് മുൻ പാകിസ്ഥാൻ പേസർ ആഖിബ് ജാവേദ്. ആക്രമണ ബാറ്റിംഗിനു പകരം ഇരുവരും അടിത്തറ കെട്ടിപ്പടുക്കുന്ന സമീപനത്തിലായിരുന്നു തുടര്‍ന്നത്.
T20 ബാറ്റർമാരുടെ ഐസിസി റാങ്കിംഗിൽ നിലവിൽ ആദ്യ രണ്ട് സ്ഥാനങ്ങളിലാണ് അസമും റിസ്വാനും. ആറ് മത്സരങ്ങളിൽ നിന്ന് 100 റൺസ് പോലും നേടാനാകാതെ പാക്കിസ്ഥാൻ ക്യാപ്റ്റൻ ബാബര്‍ അസമിന്‍റെ ദയനീയ ടൂര്‍ണമെന്‍റാണ് കടന്നു പോയത്. വിക്കറ്റ് കീപ്പർ ബാറ്ററായ റിസ്വാനാകട്ടെ ടൂര്‍ണമെന്‍റില്‍ ഏറ്റവും കൂടുതല്‍ റണ്‍സ് നേടിയെങ്കിലും പക്ഷേ 117.57 എന്ന സ്ട്രൈക്ക് റേറ്റിലാണ് ബാറ്റ് ചെയ്തത്.
ഇരുവരും പ്രയോഗിച്ച സമീപനം ടീമിന്‍റെ ചേസിങ്ങില്‍ റൺസ് വേട്ടയിൽ സമ്മർദ്ദത്തിലാക്കുന്നുവെന്ന് അവകാശപ്പെട്ടു, ജാവേദ് മാധ്യമപ്രവർത്തകരോട് പറഞ്ഞു:
“ഈ രണ്ട് ഓപ്പണർമാർ നിങ്ങളെ ടൂർണമെന്റുകളിൽ വിജയിപ്പിക്കാൻ പോകുന്നില്ല… രണ്ട് ഓപ്പണർമാരും ലോകത്തിലെ നമ്പർ.1, നമ്പർ.2 കളിക്കാരാണ്. എന്നാൽ അത്തരമൊരു കളിക്കാരൻ എന്തുചെയ്യണമെന്ന് അറിഞ്ഞിരിക്കണം. വൈസ് ക്യാപ്റ്റൻ [റിസ്വാൻ] 15 ഓവർ കളിക്കുന്നു – റണ്‍റേറ്റ് നിരക്ക് 8 ആവശ്യം ആയിരിക്കുമ്പോൾ കളിക്കാൻ തുടങ്ങുകയും അത് 17 ആക്കിയ ശേഷം പോകുകയും ചെയ്യുന്നു,”
ബാബർ അസമിന്റെയും ഫഖർ സമന്റെയും മോശം ഫോമിന്റെ കാരണം ഏഷ്യ കപ്പിലെ ബാറ്റിംഗ് പാകിസ്ഥാനെ സംബന്ധിച്ചിടത്തോളം വലിയ ആശങ്കയായിരുന്നു.
ഫഖര്‍ സമാൻ വീണ്ടും ഓപ്പണിംഗില്‍ സ്ഥാനക്കയറ്റം നൽകണമെന്ന് ജാവേദ് നിര്‍ദ്ദേശം നല്‍കി. “ഷാൻ മസൂദ് മൂന്നാം നമ്പറിൽ ബാറ്റ് ചെയ്യണം. ഫീൽഡ് തുറന്ന് കഴിഞ്ഞാൽ സ്ട്രൈക്ക് റൊട്ടേറ്റ് ചെയ്യാൻ റിസ്വാൻ നാലാം നമ്പറിൽ ബാറ്റ് ചെയ്യട്ടെ. എന്നിട്ട് നിങ്ങൾ തയ്യബ് താഹിറിനെയോ ആഘ സൽമാനെയോ കൊണ്ടുവരിക. ഖുശ്ദിൽ, ആസിഫ്, ഇഫ്തിഖർ എന്നിവരെ സംബന്ധിച്ചിടത്തോളം – രാജ്യത്തുടനീളം മറ്റൊരു ഓപ്ഷനും ഇല്ലാത്തപ്പോൾ നിങ്ങൾക്ക് അവരിൽ ഒരാളെ നമ്പർ 7-ൽ കളിക്കാം… ഇവര്‍ മൂന്നും പേരും നല്ലതല്ല. ” ജാവേദ് കൂട്ടിചേര്‍ത്തു.
