ഇന്ത്യക്കായി ട്വന്റി20 ലോകകപ്പ് കളിക്കാൻ വിക്കറ്റ് കീപ്പർ ബാറ്റർ ഋഷഭ് പന്ത് തയ്യാറാവുകയാണ് എന്ന് മുൻ ഇംഗ്ലണ്ട് താരം കെവിൻ പീറ്റേഴ്സൺ. 2024 ഇന്ത്യൻ പ്രീമിയർ ലീഗ് അവസാനിക്കുന്നതോ ടുകൂടി പന്ത് പൂർണ്ണമായും ഇന്ത്യയെ പ്രതിനിധീകരിക്കാൻ തയ്യാറാവും എന്നാണ് പീറ്റേഴ്സൺ കരുതുന്നത്.
ഗുജറാത്തിനെതിരായ ഡൽഹിയുടെ മത്സരത്തിൽ ഉഗ്രന്‍ പ്രകടനം തന്നെയായിരുന്നു ഡൽഹി നായകൻ പന്ത് കാഴ്ച വെച്ചത്. മത്സരത്തിൽ 6 വിക്കറ്റുകളുടെ വിജയം ഡൽഹിയ്ക്ക് ലഭിക്കുകയും ചെയ്തു. ശേഷമാണ് കെവിൻ പീറ്റേഴ്സൺ രംഗത്തെത്തിയത്. നിലവിൽ വിക്കറ്റ് കീപ്പിങ്ങിനും ബാറ്റിങ്ങിലും കൃത്യമായി സ്വാധീനം ചെലുത്താൻ പന്തിന് സാധിക്കുന്നുണ്ട് എന്നാണ് പീറ്റേഴ്സൺ വിലയിരുത്തിയത്.
മത്സരത്തിൽ നായകൻ എന്ന നിലയ്ക്ക് വളരെ മികച്ച പ്രകടനമായിരുന്നു പന്ത് കാഴ്ചവച്ചത്. എല്ലാത്തരത്തിലും ഗുജറാത്തിന്റെ ബാറ്റിംഗ് നിരയെ എറിഞ്ഞിടാൻ പന്തിന്റെ ടീമിന് സാധിച്ചു. മാത്രമല്ല മത്സരത്തിൽ ബാറ്റിങ്ങിലും തിളങ്ങാൻ പന്തിന് സാധിച്ചിരുന്നു. ഇക്കാരണത്താൽ തന്നെ ഡൽഹിക്കായി വളരെ മികച്ച ഒരു ജോലിയാണ് പന്ത് ചെയ്യുന്നത് എന്ന് പീറ്റേഴ്സൺ കരുതുന്നു. ഗുജറാത്തിനെതിരായ മത്സരത്തിലെ പ്രകടനം പന്തിന് കൂടുതൽ പ്രചോദനം നൽകുന്നുണ്ട് എന്നും പീറ്റേഴ്സൺ ചൂണ്ടിക്കാട്ടി. ഇത്തരത്തിൽ മികച്ച ഫോമിലുള്ള പന്ത് ഇന്ത്യൻ ടീമിലെത്തിയാൽ അത് ഇന്ത്യക്ക് ഗുണം ചെയ്യും എന്നാണ് പീറ്റേഴ്സൺ കരുതുന്നത്.
“റിഷാഭ് പന്ത് വളരെ നന്നായി തന്നെ തന്റെ ജോലി ഇപ്പോൾ ചെയ്യുന്നുണ്ട്. ഗുജറാത്തിനെതിരായ മത്സരത്തിലെ പന്തിന്റെ പ്രകടനം വളരെ മികച്ചതായിരുന്നു. ആ പ്രകടനം അവന് കൂടുതൽ പ്രചോദനം നൽകും. മാത്രമല്ല ഇന്ത്യൻ ടീമിനും വലിയ ആത്മവിശ്വാസം നൽകാൻ പന്തിന്റെ ഈ പ്രകടനത്തിന് സാധിക്കും.”
”നിലവിൽ അവന് ആവശ്യം മൈതാനത്ത് അല്പം സമയം ചിലവഴിക്കുക എന്നതാണ്. തീർച്ചയായും എല്ലാ താരങ്ങൾക്കും അത് ആവശ്യമാണ്. പരിക്കിൽ നിന്ന് തിരിച്ചെത്തുന്ന താരങ്ങൾ കൃത്യമായി മൈതാനത്ത് സമയം കണ്ടെത്തേണ്ടതുണ്ട്.”- പീറ്റേഴ്സൺ പറയുന്നു.
“വളരെ അപകടകരമായ പരിക്കിൽ നിന്നാണ് പന്ത് തിരിച്ചെത്തുന്നത്. അതിനാൽ തന്നെ ഒരുപാട് മത്സര സമയം അവന് ആവശ്യമാണ്. ട്വന്റി20 ലോകകപ്പിന് മുൻപായി അവന് ആവശ്യമായ സമയം ലഭിക്കേണ്ടതുണ്ട്. കുറഞ്ഞത് 14 മത്സരങ്ങളിൽ അവന് തുടർച്ചയായി കളിക്കാൻ സാധിക്കണം.”
”ട്വന്റി20 ലോകകപ്പ് പോലെയുള്ള വലിയ ടൂർണമെന്റുകളെ സംബന്ധിച്ച് ഇതൊക്കെയും വലിയ കാര്യമാണ്. ഇത്തരത്തിൽ അവൻ വരും മത്സരങ്ങളിൽ കളിക്കുകയും പൂർണമായും ടീമിനൊപ്പം തുടരാൻ സാധിക്കുകയും ചെയ്താൽ ലോകകപ്പിന് തയ്യാറായിരിക്കുമെന്ന കാര്യത്തിൽ സംശയമില്ല.”- പീറ്റേഴ്സൺ കൂട്ടിച്ചേർക്കുന്നു
