2020-21 സീസണിലെ പിച്ചിച്ചി ട്രോഫി സ്വന്തമാക്കി ലയണല്‍ മെസ്സി. സീസണില്‍ 30 ഗോളുകള്‍ നേടിയാണ് ലയണല്‍ മെസ്സി ഈ അവാര്‍ഡിന് അര്‍ഹനായത്. 23 ഗോളുകളുള്ള കരീം ബെന്‍സേമ, ജെറാഡ് മൊറീഞ്ഞോ എന്നിവരെ ബഹുദൂരം പിന്നിലാക്കിയാണ് ലയണല്‍ മെസ്സിയുടെ ഈ നേട്ടം.
ഐബറിനെതിരെയുള്ള അവസാന മത്സരത്തില്‍ മെസ്സി കളിച്ചിലെങ്കിലും, കരിയറിലെ എട്ടാമത്തെ പിച്ചിച്ചി ട്രോഫി നേടാനുള്ള ഗോളുകള്‍ ഇതിനോടകം തന്നെ അര്‍ജന്‍റീനന്‍ താരം സ്വന്തമാക്കിയിരുന്നു. തുടര്‍ച്ചയായ അഞ്ചാം സീസണാണ് മെസ്സി പിച്ചിച്ചി ട്രോഫി നേടുന്നത്.
തുടര്‍ച്ചയായി നാലു തവണ ഈ നേട്ടം നേടിയ ആല്‍ഫ്രഡി ഡി സ്റ്റെഫാനോ, ഹ്യൂഗോ സാഞ്ചസ് എന്നിവരെയാണ് മെസ്സി മറികടന്നത്. 35 മത്സരങ്ങളില്‍ നിന്നായി 35 ഗോളും 9 അസിസ്റ്റുമാണ് ലയണല്‍ മെസ്സി 2020-21 ല്‍ നേടിയത്.
| SEASON | GOAL |
|---|---|
| 2009/10 | 34 |
| 2011/12 | 50 |
| 2012/13 | 46 |
| 2016/17 | 37 |
| 2017/18 | 34 |
| 2018/19 | 36 |
| 2019/20 | 25 |
| 2020/21 | 30 |
