യൂറോ കപ്പ് ക്വാളിഫയര്‍ പോരാട്ടത്തില്‍ എതിരില്ലാത്ത ആറു ഗോളിന് ലക്സംബര്‍ഗിനെ തൊല്‍പ്പിച്ചു പോര്‍ച്ചുഗല്‍. പുതിയ കോച്ചിന്‍റെ കീഴില്‍ സ്റ്റാര്‍ട്ടിങ്ങ് ലൈനപ്പിലേക്ക് തിരിച്ചെത്തിയ ക്രിസ്റ്റ്യാനോ റൊണാള്‍ഡോ വീണ്ടും ഗോള്‍ നേടി. കഴിഞ്ഞ മത്സരത്തില്‍ ഇരട്ട ഗോള്‍ നേടിയ റൊണാള്‍ഡോ ഈ മത്സരത്തിലും 2 ഗോള്‍ നേടി.
ഫെലിക്സ്, ബെര്‍ണാഡോ സില്‍വ, ഒറ്റാവിയോ, റാഫേല്‍ ലിയോ എന്നിവരാണ് മത്സരത്തിലെ മറ്റ് സ്കോറര്‍മാര്‍. മത്സരത്തിന്‍റെ ഒന്‍പതാം മിനിറ്റില്‍ തന്നെ റൊണാള്‍ഡോ പോര്‍ച്ചുഗലിനെ മുന്നിലെത്തിച്ചിരുന്നു. ആദ്യ പകുതിയില്‍ തന്നെ 4 ഗോളടിച്ച് പോര്‍ച്ചുഗല്‍ മത്സരം സ്വന്തമാക്കിയിരുന്നു.
വിജയത്തോടെ ഗ്രൂപ്പ് J യില്‍ പോര്‍ച്ചുഗല്‍ ഒന്നാമതാണ്. ജൂണ്‍ 18 ന് ബോസ്നിയക്കെതിരെയാണ് പോര്‍ച്ചുഗലിന്‍റെ അടുത്ത യോഗ്യത മത്സരം.
