ഇപ്പോൾ കഴിഞ്ഞ സീസണിൽ ആയിരുന്നു ജുവെൻ്റസിൽ നിന്നും ക്രിസ്ത്യാനോ റൊണാൾഡോ മാഞ്ചസ്റ്റർ യുണൈറ്റഡിലേക്ക് തിരിച്ചെത്തിയത്. മാഞ്ചസ്റ്റർ യുണൈറ്റഡ് ഈ സീസണിൽ വളരെ മോശം പ്രകടനമാണ് കാഴ്ചവച്ചതെങ്കിലും തൻ്റെ ഭാഗത്തുനിന്ന് വളരെ മികച്ച പ്രകടനമാണ് റൊണാൾഡോ കാഴ്ചവച്ചത്.
വളരെ മികച്ച പ്രകടനം നടത്തിയ റൊണാൾഡോ ക്ലബ്ബിൻ്റെ എക്കാലത്തെയും മൂന്നാമത്തെ ടോപ്സ്കോറർ ആയാണ് സീസൺ പൂർത്തിയാക്കിയത്. ഈ സീസണിൽ യുണൈറ്റഡിൽ നിന്ന് വേറെ ക്ലബ്ബിലേക്ക് ചേക്കേറും എന്ന റൂമറുകൾ ഉണ്ടായിരുന്നു. എന്നാൽ അതെല്ലാം തള്ളിക്കളഞ്ഞ റൊണാൾഡോ അടുത്ത സീസണിലും ക്ലബ്ബിൽ തുടരുകയാണ്.
ഇപ്പോഴിതാ മാഞ്ചസ്റ്റർ യുവതാരങ്ങൾക്ക് ഉപദേശവുമായി എത്തിയിരിക്കുകയാണ് യുണൈറ്റഡ് ഗോൾകീപ്പർ ഡിഗിയ. ക്രിസ്ത്യാനോ റൊണാൾഡോയുടെ പാത തുടരാനാണ് യുവതാരങ്ങൾക്ക് സ്പാനിഷ് ഗോൾകീപ്പർ അയച്ച സന്ദേശം. റൊണാൾഡോയുടെ ആത്മാർത്ഥമായുള്ള മനോഭാവവും, മികച്ച ഫിറ്റ്നസും ആണ് താരത്തിനെ ലോകത്തിലെ മികച്ച താരം ആക്കി മാറ്റുന്നത് എന്നാണ് സ്പാനിഷ് കീപ്പറുടെ അഭിപ്രായം.
“റൊണാൾഡോ മഹത്തായ താരമാണ്. താരം ജോലി ചെയ്യുന്നതും തന്റെ ശരീരത്തെ കൈകാര്യം ചെയ്യുന്നതുമെല്ലാം അതു കാണിച്ചു തരുന്നു. ഓരോ ട്രെയിനിങ് സെഷനിലും ഓരോ മത്സരത്തിലും റൊണാൾഡോ ശ്രദ്ധ കേന്ദ്രീകരിക്കുന്നു. അതുകൊണ്ടാണ് താരം ലോകത്തിലെ ഏറ്റവും മികച്ചതായത്. മാനസികമായി വളരെ കരുത്തുള്ള റൊണാൾഡോ എല്ലാവർക്കും മാതൃക തന്നെയാണ്.”- ഡി ഗിയ പറഞ്ഞു.
