മുംബൈക്കൊരു പ്രശ്നമുണ്ട്. ചൂണ്ടികാട്ടി ഇര്‍ഫാന്‍ പത്താന്‍

മുംബൈ ഇന്ത്യന്‍സിന്‍റെ പ്ലേയിങ്ങ് ഇലവനില്‍ ഒരു കളിക്കാരനെ മിസ്സ് ചെയ്യുമെന്ന് മുന്‍ ഇന്ത്യന്‍ ഓള്‍ റൗണ്ടര്‍ ഇര്‍ഫാന്‍ പത്താന്‍. മിനി ലേലത്തില്‍ 20 കോടി രൂപയമായി എത്തിയ മുംബൈ 17.5 കോടി രൂപക്ക്‌ കാമറൂണ്‍ ഗ്രീനെ അടക്കം 8 താരങ്ങളെയാണ് സ്വന്തമാക്കിയത്‌.

ലേലത്തിനു ശേഷം സ്റ്റാര്‍ സ്പോര്‍ട്ട്സ് ഷോയില്‍ സംസാരിച്ച ഇര്‍ഫാന്‍ പത്താന്‍, മുംബൈയുടെ ഓക്ഷന് 5 ല്‍ മൂന്നര തുടങ്ങി നാല് മാര്‍ക്കാണ് നല്‍കിയത്. റേറ്റിങ്ങില്‍ ഒരു പോയിന്‍റ് കുറച്ച് നല്‍കിയതിനു കാരണവും ഇര്‍ഫാന്‍ വ്യക്തമാക്കി. പ്ലേയിങ്ങ് ഇലവന്‍ തിരഞ്ഞെടുക്കുമ്പോള്‍ ഒരു കളിക്കാരനെ മിസ്സ് ചെയ്യുമെന്നാണ് ഇര്‍ഫാന്‍ പത്താന്‍ പറഞ്ഞത്.

3456536123853128498

” കാമറൂണ്‍ ഗ്രീന്‍, ഇഷാന്‍ കിഷന്‍, രോഹിത് ശര്‍മമ, സൂര്യകുമാര്‍ യാദവ് എന്നിവര്‍ ആദ്യ 4 സ്ഥാനങ്ങളിലുണ്ട്. അഞ്ചാമതായി തിലക് വര്‍മ്മയും ആറാമതായി ടിം ഡേവിഡ് എത്തും. പക്ഷേ ആരാകും ഏഴാമത്തെ താരം ? ഇവിടെയാണ് മുംബൈക്ക് ഒരാളെ മിസ്സ് ചെയ്തത്. ” ഇര്‍ഫാന്‍ പത്താന്‍ പറഞ്ഞു.

അതേ സമയം ബൗളിംഗില്‍ മുംബൈയുടെ പ്രശ്നങ്ങള്‍ പരിഹരിച്ചതായി ഇര്‍ഫാന്‍ കൂട്ടിചേര്‍ത്തു. ” സ്പിന്നറായി പിയൂഷ് ചൗളയെ കൊണ്ടു വന്നിരിക്കുന്നു. പേസ് ബൗളിങില്‍ ജോഫ്ര ആര്‍ച്ചറും ജസ്പ്രീത് ബുംറയുമുണ്ട്. രണ്ടു പേരും ഫിറ്റാണെങ്കില്‍ അതാണ് ബെസ്റ്റ്. അതില്ലെങ്കില്‍ ബെറന്‍ഡോഫ്, ജൈ റിച്ചാര്‍ഡ്‌സന്‍ എന്നീ രണ്ടു ഓപ്ഷനുകളുണ്ട് ” ഇര്‍ഫാന്‍ പറഞ്ഞു.