ഇംഗ്ലണ്ടിനെതിരെയുള്ള അവസാന ടെസ്റ്റ് മത്സരത്തില്‍ ഷോട്ട് ബോളിനെതിരെ ബുദ്ധിമുട്ടി ഇന്ത്യന്‍ താരം ശ്രേയസ്സ് അയ്യര്‍. ചേതേശ്വർ പൂജാരയുടെ വിക്കറ്റിന് ശേഷം അയ്യർ ബാറ്റിംഗിന് ഇറങ്ങിയ ഉടൻ, ഇംഗ്ലണ്ട് ഹെഡ് കോച്ച് ബ്രണ്ടൻ മക്കല്ലം ബാൽക്കണിയിൽ നിന്ന് നിർദ്ദേശങ്ങൾ നൽകിയിരുന്നു. മക്കല്ലം തന്റെ ബൗളർമാരോട് ഷോർട്ട് ബോളുകൾ എറിയാനും പുൾ ഷോട്ട് കളിക്കാൻ ശ്രമിക്കുകയാണെങ്കിൽ ഒരു ഫീൽഡറെ നിര്‍ത്താനും ആവശ്യപ്പെട്ടു.
ഈ നീക്കം പെട്ടെന്ന് ഫലിച്ചില്ലെങ്കിലും ഇംഗ്ലണ്ടിന് വേണ്ടി പ്രവർത്തിച്ചു. മാറ്റ് പോട്ട്‌സിന്റെ അത്ര വേഗതയിൽ ഉള്ള പന്തല്ലായിരുന്നു, ശ്രേയസ്സ് അയ്യര്‍ പുൾ ഷോട്ട് ചെയ്യാൻ ശ്രമിച്ചെങ്കിലും 30-യാർഡ് സർക്കിൾ കടക്കാൻ വേണ്ടത്ര ശക്തിയോ എലവേഷനോ ഇല്ലായിരുന്നു. മിഡ് വിക്കറ്റില്‍ ജയിംസ് ആന്‍ഡേഴ്സണ്‍ ക്യാച്ച് നേടിയാണ് ശ്രേയസ്സ് അയ്യര്‍ പുറത്തായത്.
ബർമിംഗ്ഹാമിലെ എഡ്ജ്ബാസ്റ്റണിൽ വീണ്ടും ഷെഡ്യൂൾ ചെയ്ത ടെസ്റ്റിന് മുമ്പ്, അയ്യർ ഷോർട്ട് ബോളിനെതിരെ ബുദ്ധിമുട്ടുമെന്ന് പല ക്രിക്കറ്റ് പണ്ഡിതന്മാരും അഭിപ്രായപ്പെട്ടിരുന്നു. അത് ശരിവയ്ക്കുന്ന പ്രകടനമാണ് ശ്രേയസ്സ് അയ്യരുടെ ഭാഗത്ത് നിന്നും ഉണ്ടായത്.
ടെസ്റ്റ് ഫോർമാറ്റിലെ തന്റെ ആദ്യ വിദേശ മത്സരത്തിൽ 15 ഉം 19 ഉം റൺസുമാണ് ഇന്ത്യന്‍ താരം നേടിയത്. ശ്രേയസ്സ് അയ്യരിന് ഷോട്ട് ബോള്‍ ദൗര്‍ബല്യമാണെന്ന് നന്നായി അറിയാവുന്ന താരമാണ് ഇംഗ്ലണ്ട് പരിശീലകന്‍ ബ്രണ്ടന്‍ മക്കല്ലം. ഐപിഎല്ലില്‍ കൊല്‍ക്കത്താ ടീമിന്‍റെ നായകനായ ശ്രേയസ്സ് അയ്യരെ പരിശീലിപ്പിച്ച കോച്ചായിരുന്നു മക്കല്ലം
