ഹോങ്കോങ്ങിനെതിരെയുള്ള ഏഷ്യാ കപ്പ് മത്സരത്തില്‍ തന്‍റെ 31ാം ഫിഫ്റ്റി നേടിയ വീരാട് കോഹ്ലി, ബോളിംഗിലും ഒരു കയ്യ് നോക്കി. മത്സരത്തില്‍ ഇന്ത്യന്‍ പേസ് ബോളര്‍മാര്‍ റണ്‍സ് വഴങ്ങിയതിനെ തുടര്‍ന്നാണ് ക്യാപ്റ്റന്‍ രോഹിത് ശര്‍മ്മ, വീരാട് കോഹ്ലിക്ക് പന്തുകൊടുത്തത്.
വളരെ അപൂര്‍വ്വമായി പന്തെറിയാറുള്ള വീരാട് കോഹ്ലി 17ാം ഓവര്‍ എറിയകയും, വെറും 6 റണ്‍സ് മാത്രമാണ് വഴങ്ങിയത്. യുവപേസര്‍മാരായ ആവേശ് ഖാനും അര്‍ഷദീപ് സിംഗും യഥാക്രമം 53ഉം 44ഉം റണ്‍സ് വിട്ടുകൊടുത്തിടത്താണ് കോഹ്ലിയുടെ തകര്‍പ്പന്‍ ബൗളിംഗ് പ്രകടനം.
2016 ടി20 ലോകകപ്പില്‍, വിന്‍ഡീസിനെതിരെയുള്ള സെമിഫൈനലിലാണ് വീരാട് അവസാനമായി പന്തെറിഞ്ഞത്. അ മത്സരത്തില്‍ 1 വിക്കറ്റും നേടിയിരുന്നു.
കരിയറില്‍ 12 തവണെയാണ് വീരാട് പന്തെറിഞ്ഞത്. ഇത്രയും ഇന്നിംഗ്സില്‍ നിന്നും 4 വിക്കറ്റാണ് വീരാട് കോഹ്ലി വീഴ്ത്തിയത്.
