ഇന്ത്യന്‍ പ്രീമിയര്‍ ലീഗില്‍ തുടര്‍ച്ചയായ രണ്ടാം മത്സരത്തിലും മുംബൈ ഇന്ത്യന്‍സിനു പരാജയം. ക്ലാസിക്ക് പോരാട്ടത്തില്‍ ചെന്നൈ സൂപ്പര്‍ കിംഗ്സിനെതിരെ ഏഴു വിക്കറ്റിനാണ് മുംബൈ പരാജയം ഏറ്റു വാങ്ങിയത്. മത്സരത്തില്‍ മധ്യനിരയുടെ വീഴ്‌ച്ചയും ബോളിംഗിലെ പരാജയവുമാണ് മുംബൈക്ക് വിനയായത്.
മത്സരത്തില്‍ രോഹിത് ശര്‍മ്മക്ക് മികച്ച തുടക്കം ലഭിച്ചെങ്കിലും വലിയ സ്കോറിലേക്ക് എത്തിക്കാനായില്ലാ. 13 പന്തില്‍ 3 ഫോറും 1 സിക്സുമായി 21 റണ്‍സാണ് താരം നേടിയത്. ആദ്യ മത്സരത്തില്‍ 1 റണ്ണാണ് ഹിറ്റ്മാന്‍ അടിച്ചെടുത്ത്. താന്‍ ഉള്‍പ്പെടെയുള്ള സീനിയര്‍ താരങ്ങള്‍ മുന്നോട്ട് വരേണ്ട ആവശ്യകതയെ പറ്റി രോഹിത് ശര്‍മ്മ മത്സര ശേഷം പറഞ്ഞു.
“ഞങ്ങൾക്ക് മധ്യനിരയിലാണ് തെറ്റിയത്, ലഭിച്ച തുടക്കം മുതലാക്കിയില്ല. നല്ല പിച്ചായിരുന്നു, 30-40 റൺസ് കുറവായിരുന്നു, മധ്യ ഓവറുകളിൽ മുതലാക്കാൻ കഴിഞ്ഞില്ല. അവരുടെ സ്പിന്നർമാർ നന്നായി കളിച്ചു. അവർ നന്നായി ബൗൾ ചെയ്യുകയും ഞങ്ങളെ സമ്മർദ്ദത്തിലാക്കുകയും ചെയ്തു. സമ്മർദ്ദത്തിൻ കീഴിൽ, നിങ്ങൾ വ്യത്യസ്തമായ കാര്യങ്ങൾ പരീക്ഷിക്കേണ്ടതുണ്ട്, നിങ്ങൾ ആക്രമിക്കുകയും ധൈര്യപ്പെടുകയും വേണം. ”
ഞങ്ങൾക്ക് കുറച്ച് യുവതാരങ്ങള്‍ ഉണ്ട്, അവർക്ക് കുറച്ച് സമയം നൽകണം. അവർക്ക് കഴിവുകളുണ്ട്, ഞങ്ങൾ അവരെ പിന്തുണയ്ക്കുകയും ഞങ്ങൾ ചെയ്യുന്ന അവരുടെ കഴിവിൽ വിശ്വാസം പ്രകടിപ്പിക്കുകയും വേണം. സീനിയർ താരങ്ങള്‍ മുന്നോട്ട് വരണം. എന്നിൽ നിന്ന് അത് ആരംഭിക്കണം. ഐ‌പി‌എല്ലിന്റെ സ്വഭാവം ഞങ്ങൾക്കറിയാം, ടൂർണമെന്റ് ആരംഭിക്കുമ്പോൾ തന്നെ വിജയിക്കേണ്ടതുണ്ട്, അല്ലാത്തപ്പോൾ അത് ബുദ്ധിമുട്ടാണ്, ”രോഹിത് പറഞ്ഞു.
