ഏഷ്യ കപ്പ് ടൂര്‍ണമെന്‍റിനായി യുഎഈയിലെത്തിയ ഇന്ത്യന്‍ ടീം പരിശീലനം ആരംഭിച്ചു. ഓഗസ്റ്റ് 28 ന് പാക്കിസ്ഥാനെതിരെയാണ് ഇന്ത്യയുടെ ആദ്യ മത്സരം. മത്സരത്തിനു മുന്നോടിയായി കടുത്ത പരിശീലനത്തിലാണ് ഓരോ താരങ്ങളും ഏര്‍പ്പെട്ടിരിക്കുന്നത്. പരിശീലനം കാണാന്‍ നിരവധി ആരാധകരും എത്തിയട്ടുണ്ട്.
ഇപ്പോഴിതാ പരിശീലന സെക്ഷനില്‍ നിന്നുമുള്ള ഒരു വീഡിയോ വൈറലായിരിക്കുകയാണ്. പരിശീലനം കാണാന്‍ എത്തിയ ആരാധകരോട് ❛ആര്‍ യൂ ചേട്ടാ❜ എന്നാണ് ചോദിച്ചത്. ഇതോടെ ❛സഞ്ചു ബാബ സഞ്ചു ബാബ❜ എന്നായി ആരാധകരുടെ മറുപടി. ❛ സഞ്ചു ബാബ ഇന്ത്യന്‍ ടീമിന്‍റെ ഭാഗമാണ്. നിങ്ങള്‍ക്കറിയാമോ❜ എന്നും രോഹിത് ശര്‍മ്മ ആരാധകനോട് ചോദിക്കുന്നു.
ഏഷ്യ കപ്പ് ടൂര്‍ണമെന്‍റിനുള്ള ഇന്ത്യന്‍ സ്ക്വാഡില്‍ ഇടം നേടാന്‍ സഞ്ചു സാംസണിനു സാധിച്ചിരുന്നില്ലാ. ടി20 ലോകകപ്പിനുള്ള സ്ക്വാഡില്‍ മാറ്റങ്ങളുണ്ടായേക്കാം എന്ന് രോഹിത് ശര്‍മ്മ പറഞ്ഞത്, മലയാളി ആരാധകര്‍ പ്രതീക്ഷയിലാണ്.
