ജഡേജക്ക് ചിലത് തെളിയിക്കാനുണ്ട്. ടി20 ലോകകപ്പ് ടീമില്‍ സ്ഥാനം ഉറപ്പില്ലെന്ന് സഞ്ജയ് മഞ്ജരേക്കര്‍

jadeja

ബൗളിംഗ് ഓൾറൗണ്ടറായോ ബാറ്റിംഗ് ഓൾറൗണ്ടറായോ കളിക്കുമോ എന്നതിനെ ആശ്രയിച്ചിരിക്കും ടി20 ടീമിൽ രവീന്ദ്ര ജഡേജയുടെ സ്ഥാനം തീരുമാനിക്കുകയെന്ന് മുൻ ഇന്ത്യൻ ക്രിക്കറ്റ് താരം സഞ്ജയ് മഞ്ജരേക്കര്‍. വെസ്റ്റ് ഇൻഡീസിനെതിരായ 5 മത്സര ടി20 പരമ്പരയിൽ അടുത്തിടെ തന്റെ കഴിവ് തെളിയിച്ച അക്സർ പട്ടേലിനൊപ്പം ടീമിലെ സ്ഥാനത്തിനായി അദ്ദേഹത്തിന് പോരാടേണ്ടി വന്നേക്കാം എന്നും കമന്‍റേറ്റര്‍ കൂടിയായ മഞ്ജരേക്കര്‍ പറഞ്ഞും

“രവീന്ദ്ര ജഡേജയ്ക്ക് തന്നെ അറിയാം കടുത്ത മത്സരം വരുമെന്ന്. അതിനാൽ ജഡേജ ഇപ്പോൾ ഒരു ബൗളിംഗ് ഓൾറൗണ്ടറാണോ അതോ ബാറ്റിംഗ് ഓൾറൗണ്ടറാണോ എന്ന് സെലക്ടർമാരെ ബോധ്യപ്പെടുത്തേണ്ടതുണ്ട്

“അതിനെ ആശ്രയിച്ചാകും ടീമിലെ അദ്ദേഹത്തിന്റെ സ്ഥാനം തീരുമാനിക്കുക. ഒരു ബൗളിംഗ് ഓൾറൗണ്ടറായാണ് അദ്ദേഹം മത്സരിക്കുന്നതെങ്കിൽ, രണ്ടാമത്തെ സ്പിന്നിംഗ് ഓപ്ഷനായി താൻ അക്സർ പട്ടേലിനേക്കാൾ മികച്ചവനാണെന്ന് ടീം മാനേജ്മെന്റിനെ ബോധ്യപ്പെടുത്തണം, ”മഞ്ജരേക്കർ സ്പോർട്സ് 18-നോട് പറഞ്ഞു.

FVh T8TXoAAqhJx

രവിചന്ദ്രൻ അശ്വിൻ, അക്സർ എന്നിവരെ അപേക്ഷിച്ച് ജഡേജയുടെ ബൗളിംഗ് ദുർബലമാണെന്നാണ് മഞ്ജരേക്കർക്ക് കരുതുന്നത്, എന്നാൽ അദ്ദേഹത്തിന്റെ ബാറ്റിംഗ് ലോവർ ഓർഡറിൽ, പ്രത്യേകിച്ച് റൺ ചേസിങ്ങില്‍ വ്യത്യാസം വരുത്തും.

Read Also -  രോഹിതിന് പരിശീലനത്തിനിടെ വീണ്ടും പരിക്ക്. പാകിസ്ഥാനെതിരെ കളിക്കുമോ എന്ന് ആശങ്ക.

” ജഡേജ ഇന്ത്യൻ ടി20 ലീഗിൽ ഒരു നിശ്ചിത സമയത്ത് പന്തെറിയുന്നത് നമ്മള്‍ കണ്ടിട്ടുള്ളത്. ആദ്യ ആറ് ഓവറുകളി അക്സറിനെപ്പോലെ പന്തെറിയാന്‍ കഴിയുന്ന ഒരാളല്ല അദ്ദേഹം. എന്നാൽ ബാറ്റര്‍ മേഖലയില്‍ തമ്മിൽ ചെറിയ വ്യത്യാസമുണ്ട്. അതിനാൽ അവർക്ക് ബാറ്റിംഗ് ഓൾറൗണ്ടറെ വേണോ അതോ ബൗളിംഗ് ഓൾറൗണ്ടറെ വേണോ എന്ന് തീരുമാനിക്കുന്നത് ടീം മാനേജ്മെന്റിനെ സംബന്ധിച്ചാണ്. ബൗളർ എന്ന നിലയിൽ ജഡേജയേക്കാൾ ശക്തമായ അവകാശവാദം അശ്വിനും അക്സറിനും ഉണ്ട്, ”അദ്ദേഹം കൂട്ടിച്ചേർത്തു.

Scroll to Top