സിംബാബ്‌വെയിൽ നടക്കാനിരിക്കുന്ന മൂന്ന് മത്സരങ്ങളടങ്ങിയ ഏകദിന പര്യടനത്തിൽ കെഎൽ രാഹുലിന് ബിസിസിഐയുടെ മെഡിക്കൽ ടീമിൽ നിന്ന് ഗ്രീൻ സിഗ്നൽ ലഭിച്ചു. പരിക്കില്‍ നിന്നും തിരിച്ചെത്തിയ കെല്‍ രാഹുല്‍ ടീമിനെ നയിക്കുമ്പോള്‍ ആദ്യം ക്യാപ്റ്റനായി നിയമിച്ച ശിഖർ ധവാൻ വൈസ് ക്യാപ്റ്റനാകും.
ഈ വർഷം ഫെബ്രുവരി മുതൽ അന്താരാഷ്ട്ര ക്രിക്കറ്റ് കളിച്ചിട്ടില്ലാത്ത രാഹുൽ, തുടർച്ചയായ പരിക്കുകളും ആരോഗ്യപ്രശ്നങ്ങളും മൂലം ടീമില്‍ നിന്നും പുറത്തായിരുന്നു. ഐ‌പി‌എല്ലിന് തൊട്ടുപിന്നാലെ, ദക്ഷിണാഫ്രിക്കയ്‌ക്കെതിരായ ഹോം ടി20 യിൽ ഇന്ത്യയുടെ ക്യാപ്റ്റനായി അദ്ദേഹം നിയമിച്ചിരുന്നെങ്കിലും പരിക്കേറ്റതിനാൽ ടീമിൽ നിന്ന് വിട്ടുനിന്നു. ശസ്ത്രക്രിയ വേണ്ടി വന്ന താരത്തിനു ഇംഗ്ലണ്ട്, അയർലൻഡ് പര്യടനങ്ങൾ രാഹുലിന് നഷ്ടമായി.
വെസ്റ്റ് ഇൻഡീസിലെയും യുഎസ്എയിലെയും ഇപ്പോൾ അവസാനിച്ച പര്യടനത്തിൽ അദ്ദേഹം തിരിച്ചു വരാന്‍ ഒരുങ്ങിയെങ്കിലും കോ വിഡ് ബാധിച്ചു. ബിസിസിഐ മെഡിക്കൽ ടീം അദ്ദേഹത്തിന് വിശ്രമം ഉപദേശിച്ചിരുന്നു. ഈ മാസം അവസാനം നടക്കുന്ന ഏഷ്യാ കപ്പിനുള്ള ഇന്ത്യൻ ടീമിൽ താരം ഇടംനേടിക്കഴിഞ്ഞു.
അതേ സമയം ഇന്ത്യയുടെ പര്യടനത്തിലെ മൂന്ന് ഏകദിനങ്ങളും ഹരാരെ സ്‌പോർട്‌സ് ക്ലബ്ബിൽ നടക്കും, ആഗസ്റ്റ് 18 ന് പരമ്പര ആരംഭിക്കും. 20, 22 തീയ്യതികളിലാണ് മറ്റു മത്സരങ്ങള്‍.
India’s squad for 3 ODIs: KL Rahul (Captain) Shikhar Dhawan (vice-captain), Ruturaj Gaikwad, Shubman Gill, Deepak Hooda, Rahul Tripathi, Ishan Kishan (wicket-keeper), Sanju Samson (wicket-keeper), Washington Sundar, Shardul Thakur, Kuldeep Yadav, Axar Patel, Avesh Khan, Prasidh Krishna, Mohd Siraj, Deepak Chahar.
