അനായാസം സിക്സറിടക്കാന്‍ കഴിവുള്ള താരമാണ് സഞ്ചു സാംസണ്‍. ഐപിഎല്ലില്‍ സഞ്ചുവിന്‍റെ ബാറ്റില്‍ നിന്നും അതിമനോഹരമായ സിക്സറുകള്‍ ഒരുപാട് കണ്ടു കഴിഞ്ഞു. ഐപിഎല്ലില്‍ 152 ഇന്നിംഗ്സില്‍ നിന്നായി 182 സിക്സറുകള്‍ സഞ്ചു അടിച്ചട്ടുണ്ട്.
രാജസ്ഥാന്‍ റോയല്‍സിന്‍റെ ക്യാപ്റ്റന്‍ കൂടിയായ സഞ്ചു സാംസണ്‍ ഐപിഎല്ലില്‍ ഏറ്റവും കൂടുതല്‍ സിക്സ് നേടിയത് ഏത് താരങ്ങള്‍ക്കെതെതിരെ എന്ന് നോക്കാം
1) സിദ്ദാര്‍ത് കൗള്‍, ഉമേഷ് യാദവ് (7)
സഞ്ചു സാംസണ്‍ ഏറ്റവും കൂടുതല്‍ സിക്സ് അടിച്ചിരിക്കുന്നത് പേസ് ബൗളര്‍മാരായ കൗളിനെതിരെയും, ഉമേഷ് യാദവിനെതിരെയുമാണ്. 7 സിക്സുകളാണ് ഇരുവര്‍ക്കുമെതിരെ സഞ്ചു നേടിയത്. ഐപിഎല്ലില്‍ സഞ്ചു ഏറ്റവും കൂടുതല്‍ റണ്‍സ് നേടിയവരുടെ ലിസ്റ്റില്‍ കൗള്‍ (114) രണ്ടാമതാണ്.
2) രവീന്ദ്ര ജഡേജ, വാഷിംഗ്ടണ്‍ സുന്ദര്‍ (6)
രണ്ടാമതായി സ്പിന്‍ ബൗളര്‍മാരായ ജഡേജയും, വാഷിങ്ങ് ടണ്‍ സുന്ദറുമാണ് ഏറ്റവും കൂടുതല്‍ സിക്സ് വഴങ്ങിയത്. ഇതില്‍ വാഷിങ്ങ്ടണ്‍ സുന്ദറിനെതിരെ മികച്ച റെക്കോഡാണ് സഞ്ചുവിനുള്ളത്. 24 പന്തില്‍ 51 റണ്‍സ് നേടാന്‍ മലയാളി താരത്തിന് കഴിഞ്ഞട്ടുണ്ട്.
3) പീയൂഷ് ചൗള, കുല്‍വന്ത് ഖെജ്രോലിയ, മായങ്ക് മാര്‍ക്കണ്ടേ, റാഷീദ് ഖാന്‍. (5)
ഈ ലിസ്റ്റില്‍ കുല്‍വന്ത് ഖെജ്രോലിയ മാത്രമാണ് പേസറായിട്ടുള്ളത്. ഈ ഇടംകയ്യന്‍ താരത്തിനെതിരെ മികച്ച റെക്കോഡ് സഞ്ചുവിന് ഉണ്ട്. 14 ബോളുകള്‍ നേരിട്ട സഞ്ചു 1 ഫോറും 5 സിക്സും അടക്കം 40 റണ്‍സ് സ്കോര്‍ ചെയ്തു. 2023 സീസണില്‍ റാഷീദ് ഖാനെതിരെ ഹാട്രിക്ക് സിക്സ് അടിക്കാന്‍ സഞ്ചുവിന് സാധിച്ചിരുന്നു.
