ജസ്പ്രീത് ബുംറയുടെ ഫിറ്റ്നെസിനായി അറിയാനായാണ് ആരാധകര്‍ കാത്തിരിക്കുന്നത്. ലോകകപ്പിനു മുന്നോടിയായി ഇന്ത്യന്‍ താരം പരിക്ക് ഭേദപ്പെട്ട് തിരിച്ചെത്തണമെന്നാണ് ആഗ്രഹിക്കുന്നത്. നിലവില്‍ പുറം വേദന കാരണം സൗത്താഫ്രിക്കന്‍ പരമ്പരയില്‍ നിന്നും പുറത്തായ ജസ്പ്രീത് ബുംറ, നാഷണല്‍ ക്രിക്കറ്റ് അക്കാദമിയില്‍ നിരീക്ഷണത്തിലാണ്.
രണ്ടാം ടി20 മത്സരത്തിനു മുന്നോടിയായി ജസ്പ്രീത് ബുംറയുടെ ഫിറ്റ്നെസിനെ പറ്റി ഇന്ത്യന്‍ ഹെഡ് കോച്ച് രാഹുല്‍ ദ്രാവിഡ് പറഞ്ഞിരുന്നു. “
അതിനാൽ, ദക്ഷിണാഫ്രിക്കയ്‌ക്കെതിരായ ഈ പരമ്പരയിൽ നിന്ന് ഔദ്യോഗികമായി പുറത്തായിരിക്കുന്നു എന്ന് നിങ്ങള്‍ക്കറിയാമല്ലോ. അദ്ദേഹം എൻസിഎയിലേക്ക് പോയി. അടുത്ത നടപടികളെക്കുറിച്ചുള്ള ഔദ്യോഗിക സ്ഥിരീകരണത്തിനായി ഞങ്ങൾ കാത്തിരിക്കുകയാണ്. ഇപ്പോൾ ഔദ്യോഗികമായി അദ്ദേഹം ഈ പരമ്പരയിൽ നിന്ന് പുറത്താണ്, എന്നാൽ അടുത്ത കുറച്ച് ദിവസങ്ങളിൽ എന്താണ് സംഭവിക്കുന്നതെന്ന് നമുക്ക് കാണാം. കൂടാതെ, ചില ഔദ്യോഗിക സ്ഥിരീകരണം ലഭിച്ചുകഴിഞ്ഞാൽ, ഞങ്ങൾക്ക് അത് പങ്കിടാൻ കഴിയും,” ദ്രാവിഡ് പറഞ്ഞു.
സ്കാനിംഗില്‍ ഗൗരവമായ എന്തെങ്കിലും ഉണ്ടോ എന്ന് ചോദിച്ചപ്പോൾ, കൂടുതൽ പറയാന്‍ ദ്രാവിഡ് തയ്യാറായില്ലാ, ലോകകപ്പിനു മുമ്പ് ബുംറ തന്റെ പൂർണ്ണ ഫിറ്റ്നസ് വീണ്ടെടുക്കുമെന്ന് പ്രതീക്ഷിക്കുന്നതായി മുൻ ഇന്ത്യൻ ക്യാപ്റ്റൻ പറഞ്ഞു.
“സത്യം പറഞ്ഞാല്‍ മെഡിക്കൽ റിപ്പോർട്ടുകളിലേക്ക് പോയിട്ടില്ലാ. അവനെ വിലയിരുത്തുകയാണ്. ഭാവിയിൽ എന്താണ് സംഭവിക്കുന്നതെന്ന് ഞങ്ങൾക്ക് സമയബന്ധിതമായി അറിയാം. വ്യക്തമായും, അവൻ പുറത്താക്കപ്പെട്ടുവെന്ന ഔദ്യോഗിക സ്ഥിരീകരണം ലഭിക്കുന്നതുവരെ, അവൻ പൂർണ്ണമായും ഒഴിവാക്കപ്പെടുന്നതുവരെ, ഞങ്ങൾ എപ്പോഴും പ്രതീക്ഷയുള്ളവരായിരിക്കും,” ദ്രാവിഡ് കൂട്ടിച്ചേർത്തു.
ഈ പരമ്പരയിലെ ശേഷിക്കുന്ന മത്സരങ്ങള്‍ക്കായി മുഹമ്മദ് സിറാജിനെ ടീമിലേക്ക് തിരഞ്ഞെടുത്തിട്ടുണ്ട്.
ഒക്‌ടോബർ ആറിന് ഇന്ത്യ പെർത്തിലേക്ക് പുറപ്പെടും. അന്ന് ബുംറ ടീമിനൊപ്പം യാത്ര ചെയ്യില്ലെന്ന് ഏറെക്കുറെ ഉറപ്പാണെങ്കിലും പിന്നീട് അദ്ദേഹം ഓസ്‌ട്രേലിയയിലേക്ക് പോകാനാണ് സാധ്യത.
