ഐസിസി റാങ്കിങ്ങില്‍ തകര്‍പ്പന്‍ മുന്നേറ്റവുമായി സൗത്താഫ്രിക്കന്‍ താരങ്ങള്‍. ലോര്‍ഡ്സില്‍ നടന്ന ഇംഗ്ലണ്ടിനെതിരെയുള്ള മത്സരത്തിലെ തകര്‍പ്പന്‍ വിജയത്തോടെ സൗത്താഫ്രിക്കന്‍ പേസര്‍ കാഗിസോ റബാഡ, ടെസ്റ്റ് ബോളിംഗ് റാങ്കിങ്ങില്‍ മൂന്നാമതേക്ക് ഉയര്‍ന്നു. മത്സരത്തില്‍ 7 വിക്കറ്റാണ് സൗത്താഫ്രിക്കന്‍ താരം സ്വന്തമാക്കിയത്.
സഹതാരം നോര്‍ക്കിയ 6 വിക്കറ്റുമായി 14 സ്ഥാനങ്ങള്‍ മുന്നേറി 25ാമത് എത്തി. ഓസ്ട്രേലിയന്‍ താരം പാറ്റ് കമ്മിന്‍സ്, ഇന്ത്യന്‍ താരം രവിചന്ദ്ര അശ്വിന്‍ എന്നാണ് ബോളിംഗ് റാങ്കിങ്ങിലെ ആദ്യ 2 സ്ഥാനക്കാര്‍.
ബാറ്റിംഗ് റാങ്കിങ്ങില്‍ സൗത്താഫ്രിക്കന്‍ ക്യാപ്റ്റന്‍ ഡീന്‍ എല്‍ഗാര്‍ 1 സ്ഥാനം മുന്നേറി 13ാമത് എത്തിയപ്പോള്‍ സഹതാരം മാര്‍ക്കോ യാന്‍സന്‍ ഓര്‍റൗണ്ട് റാങ്കിങ്ങില്‍ 17 സ്ഥാനങ്ങള്‍ മുന്നേറി 17ാ മത് എത്തി.
ഏകദിന റാങ്കിങ്ങിലും വമ്പന്‍ മുന്നേറ്റങ്ങളുണ്ടായി. സിക്കന്ദര്‍ റാസയും ശുഭ്മാന്‍ ഗില്ലുമാണ് കാര്യമായി മുന്നേറിയത്. മൂന്നാം ഏകദിനത്തില്‍ സെഞ്ചുറി നേടിയ സിക്കന്ദര്‍ റാസ 4 സ്ഥാനങ്ങള്‍ മുന്നേറി 25ാ മത് എത്തി. മറ്റൊരു സെഞ്ചുറി നേടിയ ഇന്ത്യന്‍ യുവതാരം ശുഭ്മാന്‍ ഗില്‍ 98 സ്ഥാനങ്ങളാണ് മുന്നേറിയത്.
പരമ്പരയില്‍ 245 റണ്‍സ് നേടിയ താരം 38ാം റാങ്കിലാണുള്ളത്. രണ്ടാം മത്സരത്തില്‍ 43 റണ്‍സ് നേടിയ മലയാളി താരം സഞ്ചു സാംസണ്‍ 193ാ മതാണ്. പരമ്പര ആരംഭിക്കും മുന്‍പ് 226ലായിരുന്നു സഞ്ചു സാംസണ്‍
