ഈ മാസം ഒമ്പതിനാണ് ഇന്ത്യ-ഓസ്ട്രേലിയ ബോർഡർ ഗവാസ്കർ ടെസ്റ്റ് പരമ്പരക്ക് തുടക്കം കുറിക്കുന്നത്. പരമ്പരയിൽ ഏറ്റവും ആവേശം സമ്മാനിക്കുന്ന പോരാട്ടം ആയിരിക്കും വിരാട് കോഹ്ലി-നദാൻ ലിയോൺ എന്നിവരുടെ പോരാട്ടം. സമീപകാലത്തായി മികച്ച ഫോമിലാണ് വിരാട് കോഹ്ലി ഉള്ളത്. അതുകൊണ്ടുതന്നെ വലിയ രീതിയിലുള്ള പ്രതീക്ഷകളാണ് ആരാധകർക്ക് ഉള്ളത്.
ഇപ്പോഴിതാ വിരാട് കോഹ്ലിയുടെ ബാറ്റിങ്ങിലെ രണ്ട് പോരായ്മകൾ ചൂണ്ടിക്കാണിച്ചിരിക്കുകയാണ് സഞ്ജയ് ബംഗാർ. കോഹ്ലിക്ക് അത് ബുദ്ധിമുട്ട് ഉണ്ടാക്കുന്നു എന്നും അദ്ദേഹം പറഞ്ഞു. ഓസ്ട്രേലിയൻ ഓഫ് സ്പിന്നറെ നേരിടാൻ കോഹ്ലി എങ്ങനെ തയ്യാറാകും എന്ന സ്റ്റാർ സ്പോർട്സിലെ “ഗെയിം പ്ലാൻ” ചർച്ചയ്ക്കിടയിൽ വന്ന ചോദ്യത്തിന് ബംഗർ മറുപടി നൽകി.
“രണ്ട് കാര്യങ്ങൾ വിരാട് കോഹ്ലി ചെയ്യുന്നില്ല. ഒരുപാട് ബുദ്ധിമുട്ടുകൾ അതുകൊണ്ടാണ് ലിയോണിനെതിരെ അദ്ദേഹം നേരിടുന്നത്. ക്രീസിന് പുറത്തേക്ക് ഇറങ്ങി അവനെ ആക്രമിക്കുന്നില്ല എന്നാണ് ഒന്ന്. സ്വീപ്പ് ഷോട്ടുകളും പിന്നെ അവൻ കളിക്കുന്നില്ല. കോഹ്ലിക്ക് ലിയോണിന്റെ ഭീഷണി നിർവീര്യമാക്കാൻ കൂടുതൽ തവണ ട്രാക്ക് വിട്ട് ഇറങ്ങേണ്ടി വരും.
ലിയോണിനെതിരെ അപ്പോൾ അവൻ എങ്ങനെ റൺസ് ചെയ്യും? അയാൾക്ക് അതിനാൽ തന്റെ സമീപനം ചെറുതായി മാറ്റേണ്ടി വരും. ഇതിനകം ഈ സീസണിൽ നമ്മൾ കണ്ടു. ആ ശൈലി അവൻ മാറ്റിയില്ലെങ്കിൽ പണി മേടിക്കും.”മുൻ ഇന്ത്യൻ താരം പറഞ്ഞു. എന്തു തന്നെയായാലും ഏറെ പ്രതീക്ഷയോടെയാണ് വിരാട് കോഹ്ലിയുടെ പ്രകടനം ഇന്ത്യൻ ആരാധകർ കാത്തിരിക്കുന്നത്.
