ഏതെങ്കിലും എതിരാളികളെയോ ഏതെങ്കിലും ബൗളറെയോ അവന്‍ ഭയക്കുന്നില്ല. പ്ലേയിങ്ങ് ഇലവനില്‍ ഉള്‍പ്പെടുത്തണം എന്ന് രവി ശാസ്ത്രി

ezgif 5 cd0f28e405

ഞായറാഴ്ച (ജൂൺ 26) ആരംഭിക്കുന്ന അയർലൻഡിനെതിരായ രണ്ട് മത്സര ടി20 പരമ്പരയിൽ പങ്കെടുക്കാൻ രണ്ടാം നിര ഇന്ത്യൻ ടീം ഡബ്ലിനിലെത്തി. 17 അംഗ ഇന്ത്യൻ ടീമിനെ സ്റ്റാർ ഓൾറൗണ്ടർ ഹാർദിക് പാണ്ഡ്യ ആദ്യമായി നയിക്കും, ദക്ഷിണാഫ്രിക്കയ്‌ക്കെതിരെ സമാപിച്ച അഞ്ച് മത്സരങ്ങളുടെ പരമ്പരയിൽ ഉള്‍പ്പെട്ട എല്ലാ താരങ്ങളെയും ഉൾപ്പെടുത്തിയപ്പോള്‍, റിഷഭ് പന്തും ശ്രേയസ് അയ്യരും ടെസ്റ്റ് മത്സരത്തിനായി പോയി

ഇരുവരുടേയും അഭാവത്തിൽ, മുംബൈ ഇന്ത്യൻസ് ബാറ്റർ സൂര്യകുമാർ യാദവും സഞ്ജു സാംസണൊപ്പം ടീമിൽ തിരിച്ചെത്തി, ആദ്യമായി രാഹുൽ ത്രിപാഠിയും ആദ്യമായി ഇന്ത്യന്‍ സ്ക്വാഡില്‍ എത്തി. ഐപിഎല്ലിലെ തകര്‍പ്പന്‍ പ്രകടനമാണ് ഇന്ത്യന്‍ ടീമിലേക്കുള്ള വഴി തുറന്നത്. പക്ഷേ പരമ്പരയിൽ രണ്ട് മത്സരങ്ങൾ മാത്രം ഉള്ളതിനാല്‍ കളിക്കാന്‍ അവസരം ലഭിക്കുമോ എന്ന് സംശയമാണ്.

FVhZu5SaUAArRTS

എന്നാല്‍ രാഹുല്‍ ത്രിപാഠിയെ പ്ലേയിങ്ങ് ഇലവനില്‍ ഉള്‍പ്പെടുത്തണം എന്ന് പിന്തുണച്ചിരിക്കുകയാണ് മുൻ ഇന്ത്യൻ മുഖ്യ പരിശീലകൻ രവി ശാസ്ത്രി. ബാറ്ററുടെ സമീപനത്തെ പ്രശംസിച്ച മുന്‍ താരം സ്കോർബോർഡ് ഉയര്‍ത്താനുള്ള കഴിവ് അദ്ദേഹത്തിനുണ്ടെന്നും മികച്ച ഷോട്ട് മേക്കിംഗ് കഴിവും ഓൾറൗണ്ട് ഗെയിമും ഉണ്ടെന്നും പറഞ്ഞു.

See also  ലേഡി ഡിവില്ലേഴ്സ്. ബൗണ്ടറിയരികില്‍ ആക്രോബാറ്റിക്ക് ശ്രമം. എതിരാളികള്‍ പോലും കയ്യടിച്ചു.

“അവൻ ക്രീസിലുണ്ടാകുമ്പോള്‍ സ്‌കോർ ബോർഡ് അനങ്ങും. അവൻ എഡ്ജ്ഡ് ബോളുകള്‍ കുറവാണ്.ഷോട്ട് മേക്കിങ് കഴിവ്, എല്ലാ ഭാഗത്തേക്കും ,ഷോട്ടുകള്‍ കളിക്കുന്ന ഓള്‍റൗണ്ട് ഗെയിം. ഏതെങ്കിലും എതിരാളികളെയോ ഏതെങ്കിലും ബൗളറെയോ അവന്‍ ഭയക്കുന്നില്ല. അവന്‍ മികച്ച നിരക്കില്‍ സ്‌കോര്‍ ചെയ്യുന്നു. മൂന്നാമന്റെ ജോലി എന്താണെന്ന് നിങ്ങള്‍ക്കറിയാം, അത് മികച്ച രീതിയില്‍ ചെയ്യാന്‍ അവനെകൊണ്ട് സാധിക്കും,” ശാസ്ത്രി ESPNcriinfo-യിൽ പറഞ്ഞു.

FVbYNkzacAA MKD

ത്രിപാഠി തന്റെ ആദ്യ ഐപിഎൽ സീസണിലൂടെ തന്നെ ശ്രദ്ധേയനായിരുന്നു. റൈസിംഗ് പൂനെ സൂപ്പർജയന്റിനായി 14 മത്സരങ്ങളിൽ നിന്ന് 391 റൺസ് നേടുകയും 2017 എഡിഷന്റെ ഫൈനലിലെത്താൻ അവരെ സഹായിച്ചു. അതിനുശേഷം, 2018-ൽ കൊൽക്കത്ത നൈറ്റ് റൈഡേഴ്‌സിൽ ഒപ്പുവെച്ച അദ്ദേഹം നാല് സീസണുകളിൽ അവർക്കായി മികച്ച പ്രകടനം നടത്തി.

FVIftydaIAEk A7

2022 ലെ മെഗാ ലേലത്തിൽ, ത്രിപാഠി 8.50 കോടി രൂപയ്ക്ക് സൺറൈസേഴ്‌സ് ഹൈദരാബാദിൽ ചേർന്നു, ആദ്യമായി ഒരു സീസണിൽ 400+ റൺസ് നേടി. കെയ്ൻ വില്യംസണിന്റെ നേതൃത്വത്തിലുള്ള ടീമിനായി 14 ലീഗ് ഘട്ട മത്സരങ്ങളിലും അദ്ദേഹം കളിച്ചു, 158.23 സ്‌ട്രൈക്ക് റേറ്റില്‍ ത്രിപാഠി 413 റൺസാണ് നേടിയത്‌.

Scroll to Top