ക്രിക്കറ്റ് കളത്തിലേക്ക് തിരിച്ചെത്തി ഇന്ത്യന്‍ ഓള്‍റൗണ്ടര്‍ ഹര്‍ദ്ദിക്ക് പാണ്ട്യ. 2023 ലോകകപ്പിനു ശേഷം ഇതാദ്യമായാണ് ഹര്‍ദ്ദിക്ക് ക്രിക്കറ്റ് കളിക്കാന്‍ എത്തിയത്. DY പാട്ടീല്‍ ടി20 ടൂര്‍ണമെന്‍റിലാണ് ഹര്‍ദ്ദിക്ക് പങ്കെടുക്കുന്നത്.
മത്സരത്തില്‍ റിലയന്‍സിനു വേണ്ടി കളിച്ച ഹര്‍ദ്ദിക്ക് പാണ്ട്യ ബിപിസിഎല്ലിനെതിരെ 2 വിക്കറ്റ് വീഴ്ത്തി. അത്ര മികച്ച രീതിയില്‍ അല്ലാ ഹര്‍ദ്ദിക്ക് പാണ്ട്യ ബോളിംഗ് തുടങ്ങിയത്. ആദ്യ 2 ഓവറില്‍ 21 റണ്‍സ് വഴങ്ങിയ താരം, പിന്നീട് ഗംഭീര തിരിച്ചു വരവാണ് നടത്തിയത്.
അടുത്ത ഓവറില്‍ 1 റണ്‍സ് മാത്രം വഴങ്ങി രാഹുല്‍ ത്രിപാഠിയുടേയും ഏകനാഥ് കേര്‍ക്കറുടേയും വിക്കറ്റുകള്‍ വീഴ്ത്തി. മത്സരത്തില്‍ 3-0-22-2 എന്ന ഫിഗറിലാണ് ഹര്‍ദ്ദിക്ക് പാണ്ട്യ ബൗളിംഗ് അവസാനിപ്പിച്ചത്. ആദ്യം ബാറ്റ് ചെയ്ത ബിപിസിഎല്‍ 18.3 ഓവറില്‍ 126 റണ്‍സില്‍ എല്ലാവരും പുറത്തായി.
മറുപടി ബാറ്റിംഗില്‍ 5 ഓവര്‍ ബാക്കി നില്‍ക്കേ 8 വിക്കറ്റ് നഷ്ടത്തില്‍ റിലയന്‍സ് വിജയലക്ഷ്യം മറികടന്നു. 3 പന്തില്‍ 4 റണ്ണുമായി ഹര്‍ദ്ദിക്ക് പാണ്ട്യ പുറത്താകതെ നിന്നു.
എന്തായാലും ഹര്‍ദ്ദിക്ക് പാണ്ട്യയുടെ ഈ തിരിച്ചവരവ് മുംബൈ ഇന്ത്യന്‍സിന് വന്‍ ഊര്‍ജമാണ് നല്‍കുന്നത്. സീസണിലെ മുംബൈ ടീമിന്‍റെ ക്യാപ്റ്റന്‍ കൂടിയാണ് ഹര്‍ദ്ദിക്ക് പാണ്ട്യ.
