ഇത്തവണ റോയൽ ചലഞ്ചേഴ്സ് ബാംഗ്ലൂരിനെ നയിക്കുന്നത് മുൻ ഇന്ത്യൻ നായകൻ വിരാട് കോഹ്ലി അല്ല. ചെന്നൈയിൽനിന്നും ഇപ്രാവശ്യം ടീമിലെത്തിയ ദക്ഷിണാഫ്രിക്കൻ താരം ഡുപ്ലെസ്സി ആയിരിക്കും ബാംഗ്ലൂരിനെ ഇത്തവണ നയിക്കുക. ഇന്ന് പഞ്ചാബിനെതിരെ ആണ് ബാംഗ്ലൂരിൻ്റെ ആദ്യമത്സരം. ഇപ്പോഴിതാ കോഹ്ലിയെ കുറിച്ച് പറഞ്ഞിരിക്കുകയാണ് മുൻ ഇന്ത്യൻ നായകൻ സുനിൽ ഗവാസ്കർ. ക്യാപ്റ്റൻസി മാറ്റത്തോടെ 2016ലെ കോഹ്ലിയെ കാണാനാവുമെന്നാണ് സുനിൽ ഗവാസ്കർ പറഞ്ഞത്. അന്ന് 900ത്തിൽ അധികം റൺസ് വിരാട് കോഹ്ലി നേടിയിരുന്നു.
ഗവാസ്കറുടെ വാക്കുകളിലൂടെ..
“കോഹ്ലി വീണ്ടും ക്യാപ്റ്റൻ ആകുമോ എന്ന് ഇപ്പോൾ ഞങ്ങൾക്ക് അറിയില്ല. ചിലപ്പോൾ ഒരു കളിക്കാരൻ ക്യാപ്റ്റൻസിയുടെ ഭാരത്തിൽ നിന്ന് മോചിതനാകുമ്പോൾ മറ്റ് പത്ത് കളിക്കാരെ കുറിച്ച് ചിന്തിക്കാത്തതിനാൽ അവൻ തഴച്ചുവളരും. നിങ്ങൾ ക്യാപ്റ്റൻ ആയിരിക്കുമ്പോൾ, നിങ്ങൾ മറ്റു 10 കളിക്കാരെ കുറിച്ചും, ചിലപ്പോൾ നിങ്ങളുടെ ടീമിലെ മറ്റ് അംഗങ്ങളെ കുറിച്ചും അവരുടെ ഫോമിനെ കുറിച്ചോ, ഫോമിൻ്റെ അഭാവത്തെ കുറിച്ചോ അവർ ശരിയായി ചെയ്യാത്ത കാര്യങ്ങളെക്കുറിച്ചോ ചിന്തിക്കുന്നു.
ഈ സീസണിൽ 2016ലെ കോഹ്ലിയെ നമുക്ക് കാണാനാകും. അവിടെ അദ്ദേഹം ഐപിഎൽ സീസണിൽ ഏകദേശം 1000 റൺസ് നേടിയിട്ടുണ്ട്.”-ഗവാസ്ക്കർ പറഞ്ഞു.
ഓസ്ട്രേലിയൻ താരം മാക്സ്‌വെലിക്കുറിച്ചും ഗവാസ്കർ സംസാരിച്ചു.
“മാക്സ്‌വെലിൻ്റെ ക്രിക്കറ്റ് അവർ ഓരോ ഇന്നിംഗ്സിനെയും എങ്ങനെ സമീപിക്കുന്നു എന്നതിനെ ആശ്രയിച്ചിരിക്കുന്നു. അദ്ദേഹത്തിൻറെ സമീപനം അവിശ്വസനീയമാംവിധം അതിശയകരം ആയിരുന്ന സമയങ്ങളുണ്ട്. പിന്നീട് അത് അത്ര മികച്ചത് അല്ലാത്ത സമയങ്ങളുണ്ട്. കഴിഞ്ഞ സീസണിൽ, കളി കണ്ട ഏറ്റവും മികച്ച 2 ബാറ്റ്സ്മാൻമാരായ വിരാട് കോലിയും എ.ബി. ഡിയും ഒരുമിച്ചുള്ള ഒരു ടീമിൽ ഉണ്ടായിരുന്നു. അതിനാൽ മാക്സ്‌വെൽ തന്നെ പ്രകടനം ഉയർത്തിയേക്കാം. അതിനോടു ചേർന്നു നിൽക്കാൻ അവന് തൻറെ കളിയുടെ നിലവാരം ഉയർത്താം. ആർ സി ബി ക്ക് ഒരു യഥാർത്ഥ മാജിക് സീസൺ ആക്കി മാറ്റാൻ അവൻ ആകും.”-അദ്ദേഹം പറഞ്ഞു.
